宴 尖沙咀

隔日女朋友生日我帶佢嚟到呢度食放題，睇咗menu最終揀咗佢哋嘅「松餐火鍋放題套餐」。餐廳好靚，好日式，服務都唔錯。一嚟我哋就食咗刺身拼盤，刺身好新鮮，而且擺盤好靚。我哋揀咗醬油湯同埋豬骨湯作為我哋嘅湯底。醬油湯顏色睇好深但味道唔會太鹹，係OK嘅。我同女朋友就比較鍾意豬骨湯，啱啱開始會淡D，但加咗其他料就令嘅湯味道越來越濃郁，好鮮甜。尤其嘅日本雞肉同埋日本豚肉，吸收咗豬骨湯底味道真係一流，雞肉口感超滑嫩，豚肉油花分佈均勻，食落口唔會好膩。仲有我哋最鍾意嘅松葉蟹❤️ 我哋試咗分別放落兩個湯底，味道都好夾。主要係松葉蟹本身就好大隻好新鮮，所以食到好鮮甜。放題食到松葉蟹真係好低。同埋佢哋嘅和牛都唔錯，我女朋友唔鍾意食牛，但佢試咗一片覺得唔錯就繼續夾嚟食。和牛肥瘦適中，肉質好鮮嫩，食落口口感軟硬啱啱好。佢哋嘅時令野菜拼盤裡邊有唔同嘅食材，都非常新鮮，唔會見到有枯黃嘅，我最鍾意係金針菇😍 好彈牙！ 我哋仲飲咗Suntory Kaku High Ball同埋一杯瑞穗梅美人慢慢嘆😌