宴 尖沙咀

放工後，我好兄弟約我出嚟食日本餐。佢話佢唔耐前朋友介紹呢間日本餐廳好唔錯，想拉我一齊去試下。呢間店嘅裝修好唔錯，一入嚟就知係食日本餐嘅地方。入面仲排咗一排排嘅酒水。阿林好鍾意食牛肉，一嚟就直接點咗佢哋嘅和牛。佢哋嘅和牛入口即溶，味道好濃郁，阿林越食越上癮。最後食唔夠，後尾仲點咗牛脷。雖然我唔太敢食牛脷，但係睇到阿林一下就解決咗一盤牛脷，敢食牛脷嘅應該會好鍾意。後尾仲上咗雞肝同花生豆腐。軟嫩嘅雞肝好受我哋歡迎，味道好鮮美。花生豆腐非常軟嫩細膩，真係好好食。佢哋嘅炸苦瓜片好好食，連我唔太鍾意苦瓜嘅都可以食，酥脆嘅感覺好唔錯。雞肉串都好唔錯，上面仲有梅子醬，一齊食，味道好獨特又美味。阿林嗰陣點咗苦瓜茶，而我驚太苦點咗【Suntory Kaku High Ball】。阿林話佢嘅苦瓜茶微甘唔苦，好清涼。我嗰杯就口感清新，好爽口嘅飲品。我哋都食到好開心，仲會再嚟。諗住下次帶屋企人一齊嚟食。