Domon 居酒屋 (淘大商場3期) (Closed)

淘大一向都多選擇，今次食飯時間，見到呢間Domon居酒屋，見咁多人排隊，實冇錯啦、就一於試下！入到去d staff態度好好，有笑容，一坐低就送上熱茶。叫咗個蒜片牛柳粒，一上檯就聞到好香蒜味，牛柳粒炒嘅時間岩岩好，牛柳粒好好食，份量2個人食都好夠！加上同朋友同中意食蛋，叫咗個黑松露燻蛋，真係物超所值，$20 一份，每人都試到一邊，黑松露味好突出，配埋流心蛋食，一流。。燒蠔，食得出好新鮮，海水味重，加上燒嘅岩岩好，好想再食多隻，但係想試其他野，就叫咗個推薦菜，就係清酒煮馬刀貝，$68有6隻，全部都大大隻，好抵食，加上酒味夠濃，愛清酒嘅人士，一定要試呢個！主食就叫咗個醬燒豚丼，肉嘅份量好夠，加上醬汁好好味，配飯食，好快就食完咗個丼飯！忍唔住，叫咗2個小食，一個係札幌煎餃子，同芝士海老脆脆，都係高水準，餃子皮煎得好脆，餃子餡亦都食得出好足料，加上芝士海老脆脆，有少少類似蝦多士，蝦肉好多，配埋本身個個醬，呢個真係好想再encore,！今餐真係好滿足，叫咁多野食，加埋野飲仲要$500都唔洗，仲要杯野飲水蜜桃烏龍茶，好好飲，出面未飲過，水蜜桃可以同烏龍茶咁夾。