Video
Read full review
2018-04-18
102 views
今年係同大學同學相識十周年的日子(唉真係老啦!)，同學仔話不如約齊成班出黎食飯聚下，真係好耐都無大班人一齊見面吹水啦!成10個人想一齊食飯傾計，恰下恰下真係不二之選!其中一個同學仔推介大角咀一間打邊爐店，叫「財記海鮮火鍋活魚刺身」，估唔到恰下恰下之餘仲有刺身食，岩哂鍾意食刺身既我! 大角咀呢個區本身覺得幾隔涉，估唔到都幾近港鐵站，奧運站行過去5-6分鐘左右，都幾方便! 同埋呢D無咁旺既區，唔洗迫人之餘又無限時，同朋友傾計唔洗就住就住，唔洗擔心俾人趕! 去到門前，大大塊招牌離遠已經望到，入到去感覺乾淨又光猛!可能因為我地多人，佢俾左個房我地，私隠度即刻高左，大聲D講野都唔驚嘈到其他人! 我”莊”到呢間店都有3間大房，如果多人去食的話，BOOK位時可以試下問下可否要間房! 自成一角，傾計都傾得放D! 不過去食飯，食物先係重點! 10個人我地都叫左好多野食，估唔到環境OK，食物質素都好好!以下重點推介幾樣食物： 油甘魚一份盛惠298大元的油甘魚，估唔到都有幾多！油甘魚係厚切為主，每1片都啖啖肉㗎。呢個價錢都幾抵食，食下魚生做頭盤都幾過癮。同場仲有唔少飛機魚！脆鯇片師傅將脆鯇精細切成薄片，放落
成10個人想一齊食飯傾計，恰下恰下真係不二之選!
其中一個同學仔推介大角咀一間打邊爐店，叫「財記海鮮火鍋活魚刺身」，估唔到恰下恰下之餘仲有刺身食，岩哂鍾意食刺身既我!大角咀呢個區本身覺得幾隔涉，估唔到都幾近港鐵站，奧運站行過去5-6分鐘左右，都幾方便! 同埋呢D無咁旺既區，唔洗迫人之餘又無限時，同朋友傾計唔洗就住就住，唔洗擔心俾人趕!
去到門前，大大塊招牌離遠已經望到，入到去感覺乾淨又光猛!可能因為我地多人，佢俾左個房我地，私隠度即刻高左，大聲D講野都唔驚嘈到其他人! 我”莊”到呢間店都有3間大房，如果多人去食的話，BOOK位時可以試下問下可否要間房! 自成一角，傾計都傾得放D!
不過去食飯，食物先係重點! 10個人我地都叫左好多野食，估唔到環境OK，食物質素都好好!以下重點推介幾樣食物：
油甘魚一份
盛惠298大元的油甘魚，估唔到都有幾多！油甘魚係厚切為主，每1片都啖啖肉㗎。呢個價錢都幾抵食，食下魚生做頭盤都幾過癮。同場仲有唔少飛機魚！
脆鯇片
師傅將脆鯇精細切成薄片，放落火鍋滾湯之中，輕輕泡10秒左右，即呈現成乳白色的蝴蝶，魚肉紋清晰可見。咬落去鮮嫩脆口，幾乎沒有碎魚骨，而且全無任何腥味。
台式凍豆腐
一般雪過的豆腐，放在室溫的狀況，好容易就出水。不過依款凍豆腐放在火鍋枱上，不出水之餘，內心的蜂巢紋路清晰可見。每一口豆腐都吸收了火鍋湯汁，軟硬口感適中，同時品嚐到淡淡豆香。
打邊爐又點可以唔叫牛肉呢。當然要支持本地薑啦，呢一碟手切本地牛肉，牛味好香濃，不過食起上嚟可能要注意一下淥嘅時間。以我哋經驗，一般5秒就已經好足夠。而且仲有分大同埋細，如果多人嘅話要一盤大就啱啱好啦。
手打四寶丸都係必叫，食落好彈牙！無得輸！
除左食物之外，不得不提就係佢個玻璃轉板!
D同學仔都好驚奇，因為個玻璃轉板中間係空心既! 真係從來都未見過!不過呢個設計其實好貼心，因為如果係普通轉板，個火鍋係中間跟埋一齊轉就會有危險。呢個設計就又安全，又好容易可以拎到自己想食既野去淥，GOOD AR!
總括黎講呢間火鍋店環境乾淨舒適(廁所都好乾淨，好重要所以要提!)，食物質素都不錯! 下次想同朋友打邊爐都會考慮再黎呀!
Post
