煌府西九龍 (Closed)

難得平日放假，又係時候同老豆老母飲早茶，今次去左西九龍的煌府，早茶燒賣$6.8/籠，好似好平，但係就只有兩粒，計返其實同外面差不多。燒賣正常SIZE，無話特別大或細粒，味道方面，跟平時食開的無太大分別，蝦仁都爽口，豬肉都是雪豬。蝦餃又係一籠兩粒，人少都可以食到，蝦肉爽口彈牙，味道不錯。皮蛋瘦肉粥煲得幾綿，但皮蛋及瘦肉都不多，特價粥品，無咩要求。特價點心款式都算多，有粥又粉再配點心，一盅兩件啱哂老人家。味道不過不失，跟價錢成正比。