牛牛日式火鍋放題 (海之戀商場) (Closed)

自從搬咗出去住之後好耐冇同過媽咪食飯啦，媽咪生日話想打邊爐，費事要佢喺屋企洗咁辛苦就帶咗佢嚟呢間荃灣嘅任食放題到食嘢。平時食開麻辣湯底嘅我都想試吓啲新嘢，今次就叫咗泰酸辣蝦鍋，估唔到味道又唔錯喎，酸酸辣辣咁都係好惹味。媽咪就食開啲清淡啲嘅湯底，佢就叫左個極之鰹魚鍋。放題緊係要食返啲貴價野，佢哋呢到嘅海鮮我有食過咁多間之中最新鮮嘅，佢哋啲蝦彈牙又大隻，我一個人食咗十幾隻😂仲有丹麥封門牛柳都係好高質嘅牛，牛柳嘅口感唔算軟，係有啲咬口嗰種，但係有好香濃嘅牛肉味滲出嚟，正！仲有好多特色小食，就連日本嘅大阪燒都有添😆