GYU TOWN 牛舌專門店

Open Now

Now Closed

牛舌係牛部位裡面我最喜歡食嘅部份,今日專登揾間食牛舌嘅專門店去試。入到去黑黑沉沉,光綠唔充足,只有幾枱食客,不過香噴噴令人好有食慾,店員安排我坐喺近門口位置,雖然光線射到入嚟,但仍然覺得昏暗。坐低即刻叫咗個二重牛舌同香蔥薄燒牛舌芯。二重牛舌--牛舌芯味道麻麻,似白灼加少許鹽嘅,味道,厚唔一定好食,反而牛舌尖彈牙有點牛香,比牛舌芯好味,蛋絲夾喺牛舌芯同牛舌中間,賣相唔錯,但蛋香唔濃,仲感覺有啲乾。香葱薄燒牛舌芯--係香口惹味,我所指係啲炸蒜同啲蔥,太濃味反而蓋過牛舌芯應有嘅原味,所以調味適中就可以。總括食物味道普普通通,但下次仍想試試其他,比多次機會我同間店。