Nara Thai Cuisine (新城市廣場一期)

Open Now

Now Closed

我特別鍾意呢個系列嘅餐廳，環境舒服，好有優雅嘅泰國風情。送餐快，乾淨，加水、收碟都好主動，服務唔錯～今晚食咗個馬莎文咖喱牛展，另外叫左個印度薄餅同白飯。因為馬莎文咖喱比較香花生味，配大大塊又酥軟口感嘅印度薄餅，或者白飯食就唔會浪費咗啲咖喱汁。同其他餐廳唔同，呢度嘅船麵可以揀唔同辣度，泰式牛肉船麵少辣就啱晒！份量多又夠大碗。餸料包括爽牛柏葉、彈牙牛丸、牛筋、肥牛、牛展等等。湯底好濃郁牛味同泰式香料味，咁大碗share食就可以食多啲唔同嘅嘢～用料唔錯，泰式炒通菜係用新鮮爽口嘅通菜炒，有時會想食d 重口味嘅菜就最岩！