Video
Introduction
Innovative Thai cuisine restaurant, voted to be the best Thai restaurant for 10 years by the local magazine Thailand Tatlet in Bangkok. The modem and wooden decorations is comfortable and the restaurant is spacious.
continue reading
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
*Last Order: 21:00
Above information is for reference only. Please check details with the restaurant.
About Reward Scheme
新城市廣場的Nana Thai，心儀已久，終於一嘗所願，到此一遊 😂😂😂環境不錯，整齊優美；藤蔓的座椅，增添了不少泰式風情。是夜滿桌的豐富晚餐 🥰🥰🥰🥰大蝦柚子沙拉🥗 $118，柚子香甜冇酸味，大蝦爽口，加上香甜的沙律汁，好食！海鮮冬蔭功湯 $198，湯底味道濃郁，巨型大蝦鮮味十足，蝦膏跟湯汁融為一體，極致美味。黃咖喱軟殼蟹 $198，軟殼蟹份量多，遠超預期，咖喱汁味道香濃，令人一口接一口的吃過不停。燒豬頸肉 $88，外層烤得微香，香氣四溢，肉質彈牙是豬頸肉的特質。伴有木瓜沙律，性價比相當高 👍泰式炒金邊粉 $128，蛋網包著的金邊粉，賣相靚仔。河粉軟糯，加上一系列配料，好食冇難度。芒果糯米飯 $88，芒果🥭甜熟、糯米軟糯，加上帶點咸味的椰漿，很喜歡的泰式甜品。椰子🥥沙冰 $55，是傳統珍多冰打碎，熟悉的味道，新穎的口感👍青檸🍋🟩梳打 $38，沒有糖分，卻汽水感滿滿的，瘦身恩物。
continue reading
Order左豬頸肉，大虾菠蘿炒飯，炒通菜，咖哩大虾，全部都淡而無味，order左唔夠五分鐘已經上齊哂，豬頸肉係炸既，一陣千年油味；咖哩虾都冇咖喱味，只係一堆微暖既黃色cream完全冇咖喱香味；菠蘿炒飯如果係blind taste test的話，會以爲係楊州炒飯，一啲餸都冇，而且同其他餸一樣都係冇味道；唯一叫有啲味既係碟炒菜，你餐飯絕對係嘥錢，零分！
continue reading
餐廳係曼谷米芝蓮推薦食府之一，亦係泰國上流雜誌Tatler最佳食府，既然過江龍黎到香港，當然要同老公去食吓晚飯啦。餐廳地方幾大，環境同裝修較優雅，坐位闊落。餐牌食物種類幾多，款款都好想食。我哋就隨便點左好幾款，而佢每款份量都非常多。炸蝦片：每枱贈送，呢個係自炸蝦片，夠味又夠脆。大蝦柚子沙拉：蝦大隻，口感結實爽口。柚子無苦澀味，味道少甜，清新。面層醬汁甜甜地夾住脆脆小魚乾，整體配搭好夾，作為前菜幾好。椰子雞湯：配料非常多，有大量雞肉同草菇，另外仲有香茅同洋蔥等調味料，飲落去勁香椰子味，甜甜地，辣辣地，好飲。燒豬頸肉配青木瓜沙律：木瓜沙律份量好多，酸酸甜甜，爽口，好開胃。豬頸肉燒到剛剛好熟，切得夠薄大塊，有炭香味道，口感軟熟juicy，點埋醬汁味道更惹味。黃咖喱軟殼蟹：軟殼蟹剛炸好，炸到金黃色，外脆內軟，酥脆。黃咖喱甜甜地，加左雞蛋同煮，一齊食就無得輸。泰式牛肉船麵：船麵配料豐富，有肥牛、泰式手打牛丸、滷水牛展、牛筋同牛栢葉等，炸豬皮另上，湯底勁濃，用左好多牛骨同豬骨熬成，麵就用左金邊粉，呢款麵非常掛汁，越食越滋味。芒果糯米飯伴椰奶：即叫即整，芒果夠甜，糯米飯熱熱地，口感煙韌軟稔，點埋旁邊甜甜地椰奶，仲好食D。飲品：我叫左鮮椰子沙冰，呢個係100%鮮果製造，入口凍冰冰，啖啖椰子味道。老公叫左泰式咖啡，佢話估唔到咖啡味都幾濃，唔太甜，都幾好。
continue reading
嗰晚七點約細佬陪我嚟食泰菜，估唔到有好多人企喺餐廳門前攞飛等枱，就算已訂枱都要等等😮 望見餐廳入面高朋滿座，經理和樓面的4位店員非常忙碌，好有效率地執枱、抹枱、鋪枱準備下一枱食客入座，見到店員要快步行，睇見都辛苦😢 店員送餐時，見到我哋還未有餐具，她好好笑容及友善哋話轉頭入廚房攞餐具俾我哋，服務態度真係好好👍🏼*我哋入座後即時手機掃code點餐，好方便，然後10分鐘左右，嘢飲先上，之後就陸續上菜，超快！🥥🍧 鮮椰子沙冰 (HK$55/杯)· 沙冰好綿密，入口即化，啖啖都係清甜的鮮椰子汁· 杯𥚃看得見的一粒粒綠色和紅色是用大樹菠蘿及粉紅馬蹄製成的七彩珍多粒🦐🥗 大蝦柚子沙拉 （HK$118)· 大蝦肉質爽彈，味道鮮甜，配搭超多甜蜜的柚子肉和調得酸甜好好味的醬醋，好開胃，不得不encore食多一些😋👍🏼🦀 黃咖喱軟殼蟹 (HK$198)· 份量極多，我估有2.5隻軟殼蟹！炸得外脆內軟，保留厚肉的啖啖肉，加上一些香料香濃而美味的黃咖喱，好好味😋🥥🍗 泰式椰子雞湯 (HK$128)· 呢個湯好有驚喜，因為用咗好多雞肉、椰汁、菇類等等食材和香料去煲到咁美味，非常之正👍🏼🍖 燒豬頸肉配青木瓜沙律 (HK$128)· 燒得皮邊脆口，肉味香濃，點些青醬汁，好味· 仲有青木瓜沙律食，酸酸甜甜的，又可以減肥膩👍🏼🦐🥘 泰式炒金邊粉 (HK$128)· 面前的蛋網開窗花，整得好靚！打開見𥚃面有多隻爽彈的鳳尾蝦、煙韌的豆腐乾和腍滑的金邊粉，醬汁調味得甜甜的，配搭青檸汁，多啲酸酸，好滋味😋🥭🍚 芒果糯米飯伴椰奶 （HK$88)· 暖暖的糯米飯，口感軟糯，煙煙韌韌，伴些椰奶一起食，椰香味俱全，好美味· 可能現在不是芒果季節，新鮮芒果一半酸的，一半是甜的，不過好神奇是加些椰奶一起食又會變得無咁酸，好食喎！最後，覺得每一道菜的份量都好多，我哋2個大胃王未食晒啲嘢食巳經覺得飽飽了，要撐住個肚走😂😂
continue reading
每次係沙田想食泰國嘢，屋企人必去呢到一坐低先會送上香脆蝦片泰式生蝦新鮮的蝦再搭配蒜、辣椒、檸檬汁和魚露等調味料口感鮮美且帶有辛辣和酸爽的風味椰子雞湯用椰奶為基底的湯品，再加入雞肉、草菇、香茅、檸檬葉、辣椒等調味湯底濃郁且帶有椰奶香，好飲！係燒豬頸肉配青木瓜沙律豬頸肉外脆內嫩，搭配清爽的青木瓜沙律沙律口感酸辣開胃黃咖喱軟殼蟹屋企人最鐘意食呢個酥脆嘅軟殼蟹，再搭上口感豐富黃咖喱泰式炒金邊粉入豆腐、雞蛋、蝦、豆芽和花生等配料，口感酸甜且帶有花生香氣芒果糯米飯伴椰奶這香甜的芒果搭配糯米飯，淋上濃郁的椰奶，口感軟糯香甜芒果沙冰使用新鮮芒果製成沙冰，口感綿密椰子沙冰加入椰奶和椰肉，口感清涼
continue reading