十和田總本店

Open Now

Now Closed

小朋友開始返全日，想同老公撐枱腳，又想坐得舒服，就決定去十和田總本店食。最重要係價錢唔貴，又夠飽。用 QR code 自己落單，十分方便！老公叫咗個「午市壽司套餐」，總共有11件壽司，有刺生壽司，都有熟食壽司，最特別嘅係壽司本身有味，唔洗加豉油食就ok！壽司套餐仲有個麵豉湯，食完壽司飲埋個湯，估唔到又剛剛好夠飽。我自己就叫咗「唐揚炸雞湯烏冬」，炸雞熱辣辣又夠脆，配沙律醬一流，再食烏冬就唔會覺得好「漏」。我個烏冬套餐前菜跟兩件三文魚壽司，好味！食日本菜一定要嘆茶，飲杯熱辣辣嘅抹茶，好舒服呀！餐廳環境好舒服，同老公慢慢坐，傾下計好鬼正。餐廳喺金馬倫道，門口好易認！下次會再帶埋仔女嚟食。