Video
Read full review
2021-08-03
3048 views
大佬之前同我都想試吓田舍家，不過上次心血來潮就咁Walk-in冇位，今次大佬訂咗位，星期六食個Lunch。12:00準時喺預約時間到達，目測當時入席率唔夠一半。接待員問我哋想坐房定大龐，都係窗口位置。見到房內只有兩張檯，而且空間感十足，所以我哋揀咗房內位置。不到一會，另一檯客人都安排坐喺房內另一張檯，仲不時大聲高談闊論，聲線困喺房內，好嘈吵。當日選擇咗以下兩款午市套餐:-1. 鵝肝、活鮑魚及美國牛肉套餐 沙律– 食材普普通通，配上日式酸醋同橄欖油，面有啲疑似綠色蝦籽，卜卜脆嘅口感，都未嘗唔係一款開胃前菜。 刺身– 有一隻蝦、赤身吞拿魚同油甘魚各兩片。刺身品種唔太特別，不過都尚算新鮮，蝦有應有嘅海鮮甜味，赤身肉是呈紅色，肉質實而冇渣，魚肉濃味適中。油甘魚食落淡淡甘甜，鮮爽清新。煎鵝肝 - 鵝肝面香脆，內裡係少少生，呢個程度係最好食，口感入即溶，鵝油帶有濃郁香氣恆久不散，配上既係伴碟又係醬汁嘅黑醋，完全唔會有油腻嘅感覺。汁煮活鮑 – 鮑魚切片跟殼上，上面鋪咗啲三文魚籽，魚籽粒粒飽滿，”卜”一聲魚油滿溢口腔，鮑魚片厚薄恰到好處，醬油味算重，但係都不失鮑魚鮮甜，不過略嫌有啲過熟，食
12:00準時喺預約時間到達，目測當時入席率唔夠一半。接待員問我哋想坐房定大龐，都係窗口位置。見到房內只有兩張檯，而且空間感十足，所以我哋揀咗房內位置。不到一會，另一檯客人都安排坐喺房內另一張檯，仲不時大聲高談闊論，聲線困喺房內，好嘈吵。
當日選擇咗以下兩款午市套餐:-
1. 鵝肝、活鮑魚及美國牛肉套餐
沙律
– 食材普普通通，配上日式酸醋同橄欖油，面有啲疑似綠色蝦籽，卜卜脆嘅口感，都未嘗唔係一款開胃前菜。
刺身
– 有一隻蝦、赤身吞拿魚同油甘魚各兩片。刺身品種唔太特別，不過都尚算新鮮，蝦有應有嘅海鮮甜味，赤身肉是呈紅色，肉質實而冇渣，魚肉濃味適中。油甘魚食落淡淡甘甜，鮮爽清新。
刺身
49 views
1 likes
0 comments
煎鵝肝 - 鵝肝面香脆，內裡係少少生，呢個程度係最好食，口感入即溶，鵝油帶有濃郁香氣恆久不散，配上既係伴碟又係醬汁嘅黑醋，完全唔會有油腻嘅感覺。
煎鵝肝
85 views
1 likes
0 comments
汁煮活鮑 – 鮑魚切片跟殼上，上面鋪咗啲三文魚籽，魚籽粒粒飽滿，”卜”一聲魚油滿溢口腔，鮑魚片厚薄恰到好處，醬油味算重，但係都不失鮑魚鮮甜，不過略嫌有啲過熟，食落雖然算脆夾煙煙韌不過都有啲硬同有啲咬唔爛嘅感覺。
汁煮鮑魚
37 views
1 likes
0 comments
煎牛肉粒 –用鐵板燒方法烹調，粒粒大細平均，嫌面煎得唔夠香脆，不過一咬就肉汁四濺，牛味唔算突出，肉質軟淋如綿花糖，配埋少少醬汁同啲冇香味嘅蔥花，可互補不足。
鐵板牛肉粒
33 views
1 likes
0 comments
炒菜 – 一貫鐵板燒嘅炒芽菜、椰菜同紅蘿蔔絲，勝在芽菜乾身冇出水。
炒飯 - 鐵板燒式炒飯，不得不讚，色香十足，粒粒飯都呈金黃色，代表粒粒飯都有蛋漿包裹，食落有微微焦香，滿滿一碗飯裡面夾雜住三文魚同帶子粒，口感豐富，不過味道偏淡。
麵豉湯及漬物 – 麵豉湯咸淡適中，上檯到進食嘅時間都相隔5-10分鐘，不過入口時油豆腐同海帶都未軟透。醃牛蒡同黃蘿蔔都好入味出色，反而醃昆布我就覺得有啲腥，但係大佬意見就OK。
炒飯、漬物、麵豉湯
26 views
0 likes
0 comments
甜品 – 牛奶布甸中規中矩，奶味唔夠香濃，質地都軟滑得嚟實淨，口感好飄逸，甜度屬中等，夾埋啲酸酸哋啫喱同迷你生果達到平衡。
牛奶布甸
48 views
0 likes
0 comments
2. 特選懷石料理
前菜 – (冇介紹嘅情況下估計) 爽脆香甜多汁嘅生粟米一嚿仔夾雜啲豆、一嚿仔蕃薯、一粒紅桑子、一件有肉嘅卷物同埋有一嚿疑似魚肉嘅物體，呢個前菜令我覺得自己唔知食咗啲咩。
懷石前菜
22 views
0 likes
0 comments
刺身 - 兩款魚類都疑似係鯛魚，其中一款有燒過，食落有焦香，唔太肥，魚味濃。另一款白色魚肉似真鯛刺身，喺口中慢慢咀嚼時，清甜味在唇齒中流連忘返，鮮味突出。普普通通厚帶子半件，反而似烤過嘅熟螺肉兩小件有啲驚喜，螺味重而突出，口感鮮美軟糯。
懷石刺身
19 views
0 likes
0 comments
京燒銀鱈魚 - 醃味非常之平均，魚肉雖然唔係魚油滿溢，不過尚屬肥美，香滑魚肉充斥甘甜嘅味噌焦香，中和了銀鱈魚的油膩感。
京燒銀鱈魚
20 views
0 likes
0 comments
茶壺湯 – 清澈嘅昆布湯汁，加上青橘汁享用十分清新，湯內海鮮食材有帶子同蝦，仲有啲吸飽高湯嘅菇菌，咀嚼時都感受到高湯嘅味道。
茶壺湯
15 views
0 likes
0 comments
天婦羅 – 食材分別係蝦，蝦頭同蝦身分開炸、蓮藕片、茄子同粟米芯。 食感完全敗筆，天婦羅粉漿炸出嚟又厚又硬，冇嚟味道。一啲應有嘅輕、脆、酥完全冇，件蓮藕仲要濕淋淋黐住張紙，食到滿嘴油膩，不論食材如何新鮮，都只可用難食嚟形容。而且天婦羅沾醬上檯時已經落好蘿蔔蓉，唔係分開上，感覺好似唔太專業。
天婦羅
17 views
2 likes
0 comments
鐵板燒牛肉卷 – 牛肉片卷上啲蔬菜碎，醬汁味過濃，食唔到牛肉原身味道。
鐵板牛肉卷
25 views
0 likes
0 comments
炒飯、麵豉湯及漬物 & 甜品 – 同上面個餐質素一樣。
總括食物質素有參差，平均值都係一般，更稱唔上物有所值，如果計埋個VIEW、餐廳環境同服務，個CP值都係低。每位服務員都有一股高高在上嘅態度。明白可能佢哋需要留意我哋食嘢進度去安排下一道菜上檯，但係碟上面嘅食物都未食完 (非擺盆裝飾)，就嚟要求收拾，而且有一種好似被監視同被催促感，但係到最後都係一堆頭送上檯，好似有一種叫你食快啲離開嘅感覺。
Post
