반찬앤쿡 Banchan and Cook (東薈城名店倉)

Open Now

Now Closed

不嬲我都鐘意kpop，知道有cafe 用BT21做主題就即刻去咗食，全店都有BT21嘅decoration同每個座位都有cushion。另外係BT21系列餐點都用佢地做主題，好多fans去打卡最開心🥳🌟芝士炸豬排魔法蛋包飯有RJ造型嘅飯，蛋好滑夠流心，芝士炸豬排可以拉絲🧀咖喱汁唔會太辣都幾惹味。💫朱古力魔法甜點食嘅時候要好狠心咁切開Shooky🙈朱古力cream都幾濃郁同軟滑，隔離仲有窩夫。🫧魔幻星空蝶豆花蘇打杯嘢飲好靚呀，蝶豆花嘅藍色再加埋有啲珍珠，甜甜地幾好飲。🍗無骨炸雞叫咗柑橘味同蜜糖味，兩隻味其實有少少似，不過本人會比較鍾意金橘味，因為酸酸地平衡返炸雞嘅油膩感。🍜辛辣肉醬年糕唔好比辛辣呢兩個字嚇親，實際上唔辣，肉醬加埋芝士加埋年糕同埋泡麵一齊食係好正嘅comfort food。🍹無花果梳打梳打加無花果醬，感覺好清新。