漁匠屋

Open Now

Now Closed

父親大人最近迷上左魚生飯，上次向元朗食左間佢唔太滿意，今日一家四口黎到屯門。因為擔心好長龍所以預先訂左枱，黎到發現今日都唔多人，等一張枱走就有得入啦。本身想食三國海膽丼，見到呢個秘傳既海膽鯖魚丼就決定不如唔好食咁寡。點餐後送上冷砵煙燻芝士同白昆布湯，師傳話要食左芝士先。坦白講芝士雖然幾特別，不過味道唔算突出，個人認為味道淡左少少。白昆布湯相對出色，清甜得黎又唔會覺得太淡，昆布亦都幾好食，煙煙韌韌幾得意。秘傳海膽醬燒鮪魚丼，師傅話唔洗落豉油，個汁酸酸鹹鹹都幾開胃，燒過既鮪魚微暖，食落都好肥美，連飯食就唔會太膩。不過略賺海膽份量太少，同平啲既壹重丼份量相若，但壹重丼仲有好多其他魚生，所有有少少失望。不過係果句講果句，呢度既日本海膽好新鮮，濃郁甘甜。下次都係唔好三心兩意，直接食三國海膽丼算了。加$12就有白桃乳酸梳打紫薯甘粟餅，熱辣辣，好味道。三重丼，$148。一重丼，$198。