Video
Read full review
2018-12-12
822 views
晚上來到觀塘，食店林立，走來走去，終於揀定呢間廣東燒味餐廳試試。燒味食得多，但呢間打正旗號話整廣東燒味的餐廳我倒是第一次食。點了個晚市燒味雙併飯，要食出一間燒味店的水準，最好當然試晒所有的燒味，鬼唔知咩，但一個人食力有限，就唯有叫最具燒味代表性的叉燒！今次加埋燒肉！呢碟燒味飯雖然係現成即斬出黎，但都等左我大概十幾分鐘，因為都見到廚房非常忙碌，師傅一單接一單緊不停蹄不斷斬唔同的燒味，見師傅已經咁努力而唔係hea住拖時間，咁我都有耐性地等一陣！好！終於上菜！叉燒燒肉飯（8/10）整道菜上碟賣相整齊，擺放得有條理，唔會東一塊西一塊，以燒味黎講係非常好啦！叉燒口感軟腍，多汁，唔會太硬太乾，味道香口，調味調得好，唔係只有好重的蜜味，而且呢度的叉燒係成功燒到有少許燶邊，少少的焦香絕對係叉燒的重點，當堂令整舊叉燒提升層次！燒肉皮脆肉腍，中層肥膏我認為恰到好處，唔會覺得太肥膩而食唔落口，我全部都食晒！不過伴碟的菜心雖然只係bonus ，但擺得上碟應該都要做到盡善盡美。呢幾條菜心冷冰冰，本身食住好溫暖滋味的叉燒燒肉，忽然就塞條冷冰冰的菜，好似好無癮咁！ 建議菜應該都要翻熱一下或保持溫度，不要讓一個小細節
點了個晚市燒味雙併飯，要食出一間燒味店的水準，最好當然試晒所有的燒味，鬼唔知咩，但一個人食力有限，就唯有叫最具燒味代表性的叉燒！今次加埋燒肉！
呢碟燒味飯雖然係現成即斬出黎，但都等左我大概十幾分鐘，因為都見到廚房非常忙碌，師傅一單接一單緊不停蹄不斷斬唔同的燒味，見師傅已經咁努力而唔係hea住拖時間，咁我都有耐性地等一陣！
好！終於上菜！
叉燒燒肉飯（8/10）
整道菜上碟賣相整齊，擺放得有條理，唔會東一塊西一塊，以燒味黎講係非常好啦！
叉燒口感軟腍，多汁，唔會太硬太乾，味道香口，調味調得好，唔係只有好重的蜜味，而且呢度的叉燒係成功燒到有少許燶邊，少少的焦香絕對係叉燒的重點，當堂令整舊叉燒提升層次！
燒肉皮脆肉腍，中層肥膏我認為恰到好處，唔會覺得太肥膩而食唔落口，我全部都食晒！
不過伴碟的菜心雖然只係bonus ，但擺得上碟應該都要做到盡善盡美。呢幾條菜心冷冰冰，本身食住好溫暖滋味的叉燒燒肉，忽然就塞條冷冰冰的菜，好似好無癮咁！
建議菜應該都要翻熱一下或保持溫度，不要讓一個小細節破壞了美味的主菜！
整體黎講，燒味的確名不虛傳！好食！價錢60$以燒味黎講貴啲啲，但以晚市黎講都叫可接受，不妨一試！
Post
