廣東燒味餐廳

Open Now

Now Closed

今日兩點行過街市附近，行嚟行去都唔知食乜好，諗住求其搵燒味食個午餐啫，賣燒味嘅就多，但堂食就得呢一間⋯⋯門面就大，又燒味又點心咁，但望入去又冇乜人，心已經沉一沉～唉但唔想再行嚟行去，咁就坐低試吓。自行搵位冇人理你，睇完係要主動叫人先可以叫到起度高談闊論嘅姐姐落單，叫咗個燒肉燒鴨飯：燒肉霉嘅燒鴨勁咸飯就求其落啲普通豉油加個凍檸茶咁就成為七十幾！凍檸茶正常茶餐（枱下餐具櫃桶應十年冇清潔過的，餐具一層油感覺唔會乾淨⋯⋯另不時有小飛飛飛嚟飛去）伏伏伏

咁啱經過見到燒味飯外賣$33好平，所以叫咗三個燒味飯返屋企，落單時講明要叉燒飯加薑蓉(佢肯定聽到，佢有復述要加薑蓉)。menu寫有例湯送，返到屋企咩都冇，我打電話落去問，佢話例湯要自己同師父講要，如果唔係唔會主動俾湯，又話打包姐姐見到冇雞唔會俾薑蓉，我就話但我落單時已經講咗，點知要同姐姐講多次？ 佢話好明顯佢冇聽到，所以冇叫到，如果佢聽到就已經由佢同姐姐講咗。但係佢明明有復述到，然後我想問佢落去攞返得唔得？佢仲cut我線。以後唔會幫襯😆

叉燒瘦，又乾到散開，雞又無味，只係得個薑蓉係食到，仲要72蚊，杯飲品仲要有奇怪味，飲左一半都放棄😓😓😓😓自問好鐘意食叉雞飯，平日差少少都會食曬，今日食咗一半都放棄，真係好難食，浪費金錢，只係想食個午飯都攪到我唔開心😫

～ 晚餐．蒜蓉汁牛扒同星洲炒米配飲品 ～🥩 蒜蓉汁牛扒 👉🏼 梳打粉醃但唔過份，重有啲咬口，唔會入口即溶，全熟無咩肉味，蒜蓉汁已蓋過所有味，配菜有薯條、甘筍仔同西蘭花。🍝 星洲炒米 👉🏼 夠乾身、顏色靚、咖哩味道夠，炒得幾好，配菜叉燒、炒蛋、洋蔥、韭黃、蝦仁、火腿、芽菜同燈籠椒，非常足料。㊙️ 個人評價 👉🏼 55蚊咁大塊扒重想點，炒粉麵今次炒得幾好，但其實好跳制，上落好大，逢跑馬日千祈唔好去食🤣💸 埋單免加一 👉🏼 ＄115🏡 地址 👉🏼 觀塘輔仁街38號地下☕️ 一個人的餐桌 一個人的孤獨 請我飲杯咖啡 瀏覽下網誌 謝謝

 今天17:41分買下午茶，看見乾炒鮮魷麵36元，叫了外賣。現在回到家才吃，發現只有兩片魷魚（還要是成年人手指尾的指甲大小)，其他的都是早餐賣剩的炒麵，真的很過份很過份！。

琴日去食左個午餐腩仔四寶飯，居然吾係比燒腩仔只係比沙梨篤代替， 好嚡！ 其它野燒鴨，麻麻地好乾，紅腸，咸蛋已經係配角，無咩特別，吾怪得無咩客幫襯，其實一間食店除左食物好味，環境都好重要，仲有員工既服務態度，都係好緊要，先講環境張枱同腳既距離係大窄，地面又濕，送碟飯過黎既姐姐好有禮貌， 值得表揚，但係收銀嗰阿姐黑口黑面，仲要鬧個客，老細請到佢真係多得佢唔少，我見到甘惡，依間廣東燒味黎講，真係趕客，吾會再幫襯！

這裡茶餐廳，地方都幾大。是我久不久會幫襯早餐，下午茶，宵夜⋯⋯不過其實還有午餐的今天由於過了吃飯時間，所以人流少了。加上我一人就比較易找位子呢度燒味飯個人覺得算幾好！所以今次食燒味飯食好啲燒鵝切雞飯....黎到個樣好靚！雞好嫩滑。真的好彩數仲係脾位有少少生，但係因為煮得岩岩好熟先會有嫩滑既肉質。老實說如果怕生既人就唔好要求嫩滑。燒鵝件數都吾少喎⋯⋯一夾上黎有少少鵝油好吸引。一食皮有少少脆口再加上肉質結實有口感十分好味！整體份量足夠，薑蓉又唔會太油。不過有dd咸。通常豉油都唔會比太多。如果想多啲，你就叫佢加返多啲囉。

晚上來到觀塘，食店林立，走來走去，終於揀定呢間廣東燒味餐廳試試。燒味食得多，但呢間打正旗號話整廣東燒味的餐廳我倒是第一次食。點了個晚市燒味雙併飯，要食出一間燒味店的水準，最好當然試晒所有的燒味，鬼唔知咩，但一個人食力有限，就唯有叫最具燒味代表性的叉燒！今次加埋燒肉！呢碟燒味飯雖然係現成即斬出黎，但都等左我大概十幾分鐘，因為都見到廚房非常忙碌，師傅一單接一單緊不停蹄不斷斬唔同的燒味，見師傅已經咁努力而唔係hea住拖時間，咁我都有耐性地等一陣！好！終於上菜！叉燒燒肉飯（8/10）整道菜上碟賣相整齊，擺放得有條理，唔會東一塊西一塊，以燒味黎講係非常好啦！叉燒口感軟腍，多汁，唔會太硬太乾，味道香口，調味調得好，唔係只有好重的蜜味，而且呢度的叉燒係成功燒到有少許燶邊，少少的焦香絕對係叉燒的重點，當堂令整舊叉燒提升層次！燒肉皮脆肉腍，中層肥膏我認為恰到好處，唔會覺得太肥膩而食唔落口，我全部都食晒！不過伴碟的菜心雖然只係bonus ，但擺得上碟應該都要做到盡善盡美。呢幾條菜心冷冰冰，本身食住好溫暖滋味的叉燒燒肉，忽然就塞條冷冰冰的菜，好似好無癮咁！ 建議菜應該都要翻熱一下或保持溫度，不要讓一個小細節

官塘食店林立，最重要的是一概都是非連鎖式的！唯獨廣東燒味茶餐廳！當進入餐廳內！看到貼滿牆上的餐牌已經感受到通漲的威嚇。常餐35元，晚市一概42元起，連凍飲需加2元。坦白說，價錢比一般茶記為高不過這份價值43元的梅菜蒸鯇魚飯套餐感覺值回票價是夜晚餐有五款，我㨂了梅菜蒸鯇魚...好可能是套餐的關係，也不用等多久，就有得吃了！先談談那蒸鯇魚！鯇魚腩件連頭, 魚頭雖然佔多。 魚肉亦有相當的件頭肉質白如雪，肉身有層次質感，不是梅淋淋的貨色，但是否跟外出街市魚檔相熟的關係呢？真的是很新鮮的鯇魚，而且蒸得火侯剛好魚肉不會太實，而且伴上很足量的梅菜、蔥花、蔥段及薑絲洒上甜甜蒸魚生抽，是很平民而很好吃的味道魚頭亦相當完整，可謂啖啖皆肉。再一口魚肉及一口白飯，也是好好的享受。餐可以㨂湯或是熱飲！我㨂了是日例湯今天是粉葛赤小豆紅蘿蔔豬骨湯雖然材料是這麼多！但相信除了粉葛.赤小豆、紅蘿蔔及豬骨外見到加了紅棗陳皮等調味所以味道是勁濃尤其真的是有很濃的豬骨味相信沒有味精，粉葛也是煲得粉粉的有一點渣，是絕對可以理解總括而言，是很好的老火湯。餐廳超過十過年頭...地方雖有點兒殘舊,但不失清潔. 上菜快,侍應招呼亦友善

午飯時間到官塘，都知道揾食艱難，見呢間茶餐廳並不是太多人！記得食過都唔錯...唔唸咁多便鑽了進去。一間典型的茶餐廳！有好幾款特價午餐可供選擇每款都是四十元左右。可以例湯或茶！種類不算多、隨便點了個四寶飯！飯的碟頭不算大！男士大食一點的可能會不夠飽燒肉有少少失望！一看見其甩皮甩骨的賣相未吃已先倒胃。 雖然皮脆，但肉鞋。仲搭咗好多肥膏唔知係唔係今日唔好彩呢？平時燒肉係好好食嘅四寶飯離不開鹹蛋和紅腸！咸蛋都係好一般！紅腸的份量亦不多，大約有五片的紅腸我估計浸過滷水汁而肉身是偏鹹和偏淋唯獨個燒鴨好D,夠肉汁,但都好多皮下脂肪實在太肥了，好多都無食到！今天的伴碟菜心就浸得太耐有些淋。例湯西洋菜紅蘿蔔豬骨湯因為通常燒味飯店的湯有大量燒味頭頭尾尾當然唔會浪費這湯仲加咗羅漢果落去，所以幾清甜加錢飲凍檸茶，雖然叫了少甜。不過都重係有啲甜!待應雖然好忙, 不過都好有禮貌！呢啲真係叫服務態度! 差不多一點，店外開始有人龍！快點比錢起身起行。

附近街擋的午餐加價加到上天！而且質素亦每況越下！如果上街市中心樓上擋口而且坐得無咁舒服倒不如行多兩步覓食! 廣東燒味淨係下午門外都吾少人排隊外賣相信質素應該有返咁上下！ 見到午市雙拼燒味飯$42有湯或飲品即管試試碟飯來到即時感覺賓至如歸！放在我面前即時感到嘩一聲六塊切雞脾位五塊燒鴨都係脾位💪仲有少少菜是熱辣辣好開心餐廳只要大方少少👍人客的滿意度真是大大提升。好過你將貨就價，慳果少少但無下次，咁又何苦呢！這雙拼飯，不單多餸有誠意！米飯粒粒乾身。感覺到是尊重食客。雞肉雙當嫩滑，燒鴨有肉味不是大家睇死頭頭尾尾所砌成的雙拼飯凍飲加多兩元共$44可以落樓望到乳豬雙拼飯$60價錢尚可接受。下次出糧一於挑戰 乳豬 雙拼飯 ！

官塘茶餐廳買少見少！行咗幾條街！都無乜好發現！一係就幾貴！我只係想飲杯嘢！休息下！人又攰！終於街市附近見到這間連所式餐廳！門外餐牌價錢亦不算貴！入到去見到地方好大都好多卡位我就坐低咗，叫了一個茶餐 炸雞脾通粉今晚選擇湯通粉，其實常食通粉有益身體又健康。此外還加入少許蔬菜粒既飽肚又可增加纖維，對保持腸道暢通很有幫助。炸雞脾唔只夠巨型，仲皮脆肉嫩，不知幾juicy！應該用蒸後炸嘅方式嚟煮，咁樣就可以鎖住D肉汁，D肉就吾會因炸得耐變老！叫了一杯熱鴛鴦～真係意想不到！居然有驚喜！奶茶有香濃既茶味！混在咖啡一起，簡直有100分！

ローストとビーフンのセットを食べました。ローストは外はカリカリ中はしっとり。やや甘めの味付けですがとっても美味しかったです。ビーフンはダシのきいたスープであっさりめ。美味しかったです。杏仁露は、洗剤っぽい味がしてちょっと残念なお味でした。アイスで注文したのにホットが出て来ました。メニューが写真入りだったので指差し注文出来ました。お店の人がかたことの日本語を話してくれて優しかったし、いいお店でした！また行きたいです(≧∀≦)

今晚我們喺觀塘做完嘢之後去咗輔仁街嘅「廣東燒味餐廳」買外賣自取返屋企食！我們買咗星洲炒米炒得好乾身同鑊氣十足，米粉嘅麵質好煙韌彈牙，咖哩嘅辣度控制得恰到好處，味道唔會過辣或過鹹，材料相當足料豐富，祇係睇表面已經見到有幾隻蝦仁、火腿絲、叉燒絲同鷄蛋絲，真係幾抵食，而且賣相都幾色彩繽紛！梅菜蒸鯇魚嘅肉質好鮮味嫩滑，梅菜嘅味道好香甜！涼瓜燜䱽魚嘅涼瓜唔會炒到好腍身，質感好爽口，味道亦好甘甜，䱽魚嘅肉質亦好軟滑，芡汁嘅味道唔會好鹹！

今晚我們去咗觀塘輔仁街嘅「廣東燒味餐廳」食晚飯！我們叫咗芥蘭炒臘味嘅芥蘭好爽脆無根，而且吸收晒臘味嘅油香味！涼瓜魚雲煲嘅魚雲唔會有好厚嘅炸粉，肉質相當鮮甜嫩滑，涼瓜嘅味道好甘甜爽口，唔會炒得好腍身！脆皮燒腩仔拼蜜汁叉燒嘅燒腩仔燒得相當脆皮，肉質非常鬆軟，叉燒嘅肉質極之鬆化軟滑，蜜汁嘅味道超香甜！梅菜蒸鯇魚蒸嘅火候控制得恰到好處，唔會過火，肉質非常鮮甜嫩滑，梅菜嘅味道好香甜！老火例湯：佛手瓜煲豬𦟌嘅湯料十足，湯底嘅味道好清甜香濃！