FLIPPER'S (Closed)

女士就是甜品愛好者，知道銅鑼灣希慎6樓開左一間超人氣梳乎厘班戟店，就好想去試，上次12:00黎到已經話截左龍，今次再早D~ 11:00 就黎排，已經有長長的人龍。但堅持堅持，「的」起心肝排，排左一個鐘頭左右先有得入座。睇到餐牌有兩款期間限定，無諗過食唔食得哂，就Order哂兩款，包括夏季限定的蜜瓜班戟 & 奇蹟@白桃班戟，各$159，仲叫左兩杯Fruit Punch~食物送來時，已經聞到好強烈的蛋香，送到上枱，每碟有3三大塊班戟，再加上切成小件的日本蜜瓜&白桃，連埋忌亷，基本上已將碟全隻覆蓋上! 睇到都已經口水流，無擔心過食唔哂囉。影完相之後已經急不及待，梳乎厘班戟真係好鬆軟，蛋香味濃，最重要係唔係太甜，兩款水果都係我鍾意食的，清香果味濃郁，白桃有些桃味醬，蜜瓜配上蜜瓜溶，配搭一流。