九記牛腩

Open Now

Now Closed

有台灣嘅朋友黎香港玩，佢地睇旅遊書推介紹要試下呢間九記牛腩，所以我就同佢地一齊黎食。九記牛腩都幾出名，去到嘅時候都有十幾個人等緊位。因為我地係撘枱坐，所以等候時間都只不過大約10分鐘。位置唔多，坐得有啲迫，不過就幾有地道風味。上湯牛腩粗麵呢個麵睇落細細碗，但原來份量都幾大。啲牛腩真係好好食！「諗」得黎又唔會散開，而且非常入味。個湯都好好飲，濃得黎又唔會有味精味，飲完都唔覺口渴。之前聽聞佢地伙計態度麻麼，但我去個日啲伙計好風趣，仲會同客人吹水講笑，可以感受到點點人情味。