六角

Open Now

Now Closed

唔係朋友介紹都唔知道灣仔星街附近有間超高質嘅日本餐廳，雖然係小店，不過聽聞原來有好多名人幫襯，難得老公今日嚟接我放工，一於去試吓撐枱腳。廚師發辦嘅二人餐， $1000有找，價錢都算合理。頭盤小食有蟹籽沙律，豆腐沙律，同埋日本生蠔，生蠔一啖一口，非常香滑。另外，吞拿魚蓉原來配埋脆片一齊食，又增加咗唔同嘅口感，作為前菜送酒一流。壽司八嚿，廚師發辦廚師決定邊樣最新鮮就俾我哋食，我覺得當日最精彩應該係夠拖羅，仲有海膽三文魚子杯，食完真係有幸福嘅感覺，刺身全部好新鮮好肥美。天婦羅亦都有別其他普通餐廳，本身唔係好食青椒嘅我，竟然係青椒入邊放入明太子，食入口唔會好苦，但有明太子小小辣味，非常好食。鰻魚蒸蛋，真係第一次試，鰻魚好肥美，蒸蛋好滑，最後食埋雞三味，有雞肉丸，雞塊，同埋有雞翼，估唔到非常飽，最後食埋個甜品，呢餐真係好滿足，埋單每人幾百蚊其實真係好抵，有機會要帶媽媽嚟再食。