Video
Read full review
2021-07-25
5027 views
Ricky Cheung, 香港其中一位薄有名氣的西餐廚師，對意大利菜及法國菜都有相當認識；再加上近幾年頻頻亮相及主持不同電視台的飲食節目，可說是香港的名人廚師。近兩三年轉型唔再做西餐，竟然搞四川菜及半港式茶餐廳，典型 1960、70年代出世的那一輩香港仔性格，憑着自身經驗及信心，敢摶敢做。Ricky 用自己名字「祥仔」作為餐廳名，好似老土；但其實懷舊，而且親切，亦間接反映了Ricky的成長年代。六七十年代的家長唔流行幫小朋友改英文名，「X 仔」正是那些年的成年人對小朋友的典型稱謂。餐廳名老土懷舊，又係茶餐廳，但唔代表平民。選址K11 Art Mall，定位當然唔會係普通港式茶餐廳，而係高級版，睇裝修就已經知道係是什麼回事。半開放式設計，室內裝修一目了然；簡潔明亮，尤其係採用一個個小金屬三角錐體作為設計元素的特色牆身，明顯由室內設計師精心策劃。座位空間佈置也明顯較普通茶餐廳寛敞，用餐環境更舒適。非一般茶餐廳當然有非一般餐牌，分三級制；午餐、下午茶及晚餐，唔可以互通、亦唔可以叫另一個時段的餐牌菜式，就算午餐想食豪氣一點，揀晚市餐牌菜式也不可以。午市餐牌內的各款粉麵飯也不是一般茶餐廳貨色，
Ricky 用自己名字「祥仔」作為餐廳名，好似老土；但其實懷舊，而且親切，亦間接反映了Ricky的成長年代。六七十年代的家長唔流行幫小朋友改英文名，「X 仔」正是那些年的成年人對小朋友的典型稱謂。
餐廳名老土懷舊，又係茶餐廳，但唔代表平民。選址K11 Art Mall，定位當然唔會係普通港式茶餐廳，而係高級版，睇裝修就已經知道係是什麼回事。半開放式設計，室內裝修一目了然；簡潔明亮，尤其係採用一個個小金屬三角錐體作為設計元素的特色牆身，明顯由室內設計師精心策劃。座位空間佈置也明顯較普通茶餐廳寛敞，用餐環境更舒適。
非一般茶餐廳當然有非一般餐牌，分三級制；午餐、下午茶及晚餐，唔可以互通、亦唔可以叫另一個時段的餐牌菜式，就算午餐想食豪氣一點，揀晚市餐牌菜式也不可以。午市餐牌內的各款粉麵飯也不是一般茶餐廳貨色，有心將高級西餐廳的烹調技巧融入港式西餐 / 茶餐廳的食材及粉麵飯款。
重點推介鮮粟米·真·星斑飯（$138），講明用新鮮粟米及真正星斑。賣相的確有高級西餐風格，將經典港式西餐粟米汁的格調提升；濃稠度剛剛好，味道亦較普通港式西餐出色。尤其是粟米粒爽口清甜，並非罐頭粟米的軟腍高甜度（用糖水處理過）。
鮮粟米·真·星斑飯
$138
59 views
0 likes
0 comments
見到淺紅色兼有細斑點的紅色魚皮，就肯定係真星斑！星斑片份量也有不少，咬落去腍滑、少少爽彈、也有魚味，只是稍欠鮮味。當然，這個價錢只可以係大大條急凍星斑，但已經好過很多茶餐廳用廉價龍脷魚柳充星斑的粟米班腩飯。
祥仔脆脆豬扒飯（$128）係港式焗豬扒飯嘅變奏版。豬扒同焗飯分開上菜，並將先沾蛋漿、炸完再焗的豬扒改為日式吉列炸豬扒；茄汁芝士焗飯就變為新鮮蕃茄醬汁配白飯。
祥仔脆脆豬扒飯
$128
23 views
0 likes
0 comments
蕃茄醬汁用大量新鮮蕃茄炮製，啖啖都有新鮮蕃茄，味道稍為偏酸；用來撈白飯味道一絶。
食午餐可以用優惠價享用推介美食，揀了兩日兩夜羅宋湯（$18）及祥仔秘製瑞士雞翼（$18）。秘製瑞士雞翼採用雞全翼，上碟前經過刻意擺盆，兩隻雞翼互相扣著。味道方面唔見得太特別，係典型嘅港式西餐瑞士汁；勝在夠香濃、唔會太甜。不過，味道未能滲入雞翼內；雞皮好味、雞肉味道就稍淡。
祥仔秘製瑞士雞翼
20 views
1 likes
0 comments
兩日兩夜羅宋湯
42 views
0 likes
0 comments
雖然價錢偏貴，但同一道菜式又的確比起其他港式西餐好味得多，值得一試。
Post
