Video
Read full review
2019-10-07
665 views
作為一個調大既同學仔,上完成日堂辛苦左一日梗係要食下好西安慰下五臟廟啦,調景領又冇啖好食,同學話街市開左一間隱世美食,作為一個半專業既美食家,我梗係要試一試佢,話說7點到既時間,原來街市都閂門啦,老闆都話差不多收鋪但都仲唔介意開爐煮俾我地,而且仲不停話你地慢慢食,我地唔怕等埋你既,咁作為一個有良心既食客,我二話不說馬上落單,快啲食完快啲走麻。食物選擇方面,餐廳提供既選擇唔太多,但夠晒親民,可以自己揀麵款,可以自己揀配菜,好似以前興過既車仔麵意粉咁,款款都獨當一面,款款都令人垂延欲滴,而我就揀左蜆肉咖哩天使麵加大蝦同溫泉蛋。隨麵送上既係一蜂蜜綠荼,先講飲品,味道同大定樂好唔一樣,有一種好令人唔識形容既住家味,大概係因為真係綠茶蜂蜜,純天然既感覺。至於麵食方面,比例出人意料既係咖喱居然唔係日本咖哩,係偏印尼咖哩既味道,偏辣,其實餐調味好好,剌激得黎唔會太過份,但我一直以為係日式甜咖哩,而且我係偏唔食得辣既人,加上一菜時間都7點30分,全間餐廳得返我一個人,我作為一個有道德既食客,飲完飲品就決定打包返調大邊chur paper邊食,所以我食既時間係無野飲既,但好彩麵既味道好好,少少辛辣既刺激
食物選擇方面,餐廳提供既選擇唔太多,但夠晒親民,可以自己揀麵款,可以自己揀配菜,好似以前興過既車仔麵意粉咁,款款都獨當一面,款款都令人垂延欲滴,而我就揀左蜆肉咖哩天使麵加大蝦同溫泉蛋。
隨麵送上既係一蜂蜜綠荼,先講飲品,味道同大定樂好唔一樣,有一種好令人唔識形容既住家味,大概係因為真係綠茶蜂蜜,純天然既感覺。至於麵食方面,比例出人意料既係咖喱居然唔係日本咖哩,係偏印尼咖哩既味道,偏辣,其實餐調味好好,剌激得黎唔會太過份,但我一直以為係日式甜咖哩,而且我係偏唔食得辣既人,加上一菜時間都7點30分,全間餐廳得返我一個人,我作為一個有道德既食客,飲完飲品就決定打包返調大邊chur paper邊食,所以我食既時間係無野飲既,但好彩麵既味道好好,少少辛辣既刺激感亦唔影響我進食既樂趣。
配菜方面,溫泉蛋屬於高質,有流心既效果,大大隻,配合埋個麵,一流呀。蝦方面,由我講可能會有啲偏心,因為我真係好鍾意食蝦。蝦唔算大隻,但彈牙,而且份量夠多,我係食到好好好滿足。蜆肉方面,處理得非常之好,我最憎有沙既蜆肉,食到一兩粒都唔可以呀!餐廳既蜆肉完美達到我既要求。好老實講,餐廳價錢真心平,當然唔期待食到好名貴既食材,但餐廳細心處理食物,從平非中顯不平凡先係名貴之處。
最後係餐廳仲有台式蛋餅,蛋餅材料自選,我就揀左芝士,栗米同吞拿魚。吞拿魚係我另一個最愛栗米同芝士方面都係平平無奇既材料,但吞拿魚簡直係賦予左蛋餅靈魂呀!呀呀呀!好啦!其實係因為我鍾意食吞拿魚,老實講強餅唔係非常好食,但勝在有自己鐘意既食材,單係咁已經非常足夠,我係好鍾意,但當然蛋餅既皮無台灣處理得咁好,但因為有吞拿魚,有芝士,仲有粟米!所以我好欣賞!
Post
