平靚正西餐 (Closed)

呢間餐廳係街市入面嘅熟食檔 座位數目比較少 建議外賣今次嗌咗兩個意粉 一份雞翼 分別係卡邦尼意粉, 香蒜肉粒意粉 同埋 招牌柚子雞翼卡邦尼意粉芝士份量十足 仲有隻溫泉蛋撈埋啲意粉 有一種濃厚嘅口感香蒜肉粒意粉有香辣嘅味道 而且肉粒係一粒粒嘅雞肉而唔係肉碎 食落更加滿足柚子雞翼一份有四隻 食落幾滑 如果可以炸得金黃啲應該會更香總括嚟講呢間餐廳嘅嘢食真係平靚正 嗌意粉或飯有紙包飲品送 嘢食送到時都有熱度 價錢相宜 兩個人食都夠晒飽

Lunch time去左調景嶺彩明街市買外賣，無意中搵到間黃店西餐而且餐牌相片幾吸引又見多人諗住實冇死喇，不過CP值同店名「平靚正西餐」有點出入🤔.餐奉送紙包飲品，可選扁意粉、大通粉或飯👓卡邦尼煙肉 $41 +$5溫泉蛋好普通嘅卡邦尼意粉😅唔算淡味不過味道真係好寡，單調一陣忌廉味不過又唔係好味😅一啲都唔漏，因為味道同傳統平時食開嘅有出入，但其實呢個意粉價錢唔算平尤其以街市來講，雖然係黃店不過質素真係幫襯唔落喎😅而且廚房得一個人lunch time又多人幫襯所以等候時間都幾耐...評分：5/10👓白汁野菌大蝦 $58其實味道唔差嘅不過重點在於啲蝦，蝦都大粒但煮得晶瑩通透到見到條黑色屎腸，怪怪嘅係有四隻蝦但有兩隻挑咗蝦腸而有兩隻冇😅評分：6.5/10👓芝士咖喱蜆肉 $51整體係一隻帶辣嘅咖喱味，少辣，但又唔係exactly咖喱飯嗰啲咖喱味。反而蜆肉幾好食，有10隻蜆，肉質唔會太韌而且調味合適，意粉當中有三色椒和菇菌。評分：6/10

女兒無返學幫佢買外賣，平日午餐極愛吃黑松露蘑菇素意粉，近日見有新出素燴飯，姨姨又耐心介紹，即管一試，回家還熱騰騰，飯很咬口，仲可吃到米的硬度，唔會糊口，黑松露極香，很大份，今日有豆漿送，下次要試埋南瓜海鮮飯先至得。

真係要話比大家知，之前已經見到一個高高瘦瘦男士煮嘢食嘅時候，啲意粉炒嘅時候跌咗出嚟,佢會擺返落去繼續炒俾人食, 諗住一次半次算數, 點知今次仲見到一位負責煮嘢Auntie, 冇帶手套,直接用手拿啲意粉去炒,中間用條清潔布清潔好多唔同地方東西,跟住用清潔布清潔自己隻手,再用隻手抹圍裙, 大佬啊你嗰度係open kitchen, 究竟你知唔知道人哋係睇到你地點樣煮嘢食㗎,真係冇下次,佢哋根本冇用心去煮嘢食比人哋食

調景嶺罕有💛黃店💛呢間🏡係平價西餐🍝🥔🍞 .白汁🥛野菌大蝦🦐意粉 $55連熱飲☕️值得一讚👍🏼係佢份量🍽好多 🥰都幾大兜🥣 同埋蝦🦐嘅份量都唔少啲汁好多 唔會話食到底會無味🤩呢個價錢💰 係抵食嘅🎠當然又未去到話超水準 👩🏼‍🍳🧑🏽‍🍳但個價錢💵對得住個嘢食 係值得去食嘅👍🏼😌 .芝士🧀煙肉🥓薯角 $23呢個份量就比較少😢無論薯角🥔定係醬🍶 都少味道👅就正常 無乜特別🤚🏽 .總括個意粉🍝都幾唔錯同埋個價錢🤩💵都真係算平 CP值高♐️同埋個餐牌📋整得好靚💖好吸引 如果下次食會試埋其他 👅今次肚有限 只試到兩樣🤣呢間值得黎試👍🏼👍🏼🤣回頭度：⭐️⭐️⭐️⭐️

51黃金週，諗住懲罰黃店，點知名過於實。幫襯一次就夠。 話明幫襯黃店，特登上網搜查過先食。但到實店，店內一張宣傳圖都冇，pepe都唔見，真黃？不得而知了。店內有所多美美的食物圖，但小食中蒜茸包，粟米湯，熱狗，都冇。冇。冇。。。可能爆買關係，一個姨姨落單出菜收錢一腳踢，你想落單，當然要等等等等，唔識落單都問唔到佢，等到佢應你又招呼咗第二個，中途在你後面買的人一個個出菜了，你問佢被佢鬧。最後，由於時間嘅關係，薯角整唔切，退錢俾你。說好的奉送飲品，一句沖唔切，又冇咗！ 所有外賣堂食都係膠盒，地球又再多咗膠的壓力了。環保♻️呀！返到屋企再發現出錯，黑松露意變卡邦尼。4人餐冇飲品，4個意粉加雞翼共$236。 物非所值。味道就一般，沒有特別。個人不會留戀，不再幫襯。 但求他不是偽黃。良心小店就拿出良心來。

最近因為疫情關係 好多時都留係屋企食 甚少出外 今日嘅午餐選擇左叫外賣 幫襯下良心小店《意式肉醬扁意粉》呢隻肉醬比較唔同我哋平時食到嗰隻味道 香料味會重啲 味道亦都會酸少少 幾開胃 唔錯《蘑菇雜菌飯》三個主菜裏面最鍾意就係食呢個飯 蘑菇同三色椒同埋洋蔥一齊炒過之後好香 再加上醬汁好濃郁 正😋《香蒜肉粒意大利粉》就咁睇個名以為唔辣 點知一打開見到咁多紅色一點點就心知不妙 唔食得辣嘅我覺得好辣啊🥵雖然用蒜蓉炒好香 但我最終都係頂唔順全部畀晒男朋友食😹 食得辣嘅朋友可以try try佢 《香脆蒜蓉包》因為比個蓋焗住嘅關係有倒汗水 所以一打開嘅時候已經淋左 但相信係因為外賣嘅關係 如果堂食應該會好脆 最終我哋選擇左用氣炸鍋翻熱 唔使講啦 當然係超正🤣《墨西哥蕃茄肉丸》肉丸就不過不失 個人唔係太鍾意呢隻醬汁嘅味道 肉丸亦唔算係十分多汁彈牙 呢排疫情嚴峻好多餐廳都告急 希望大家可以透過外賣嘅形式繼續支持佢哋 另外而家用外賣App仲有八折添 性價比就更加大大提高(雖然本身已經好抵食lol) 大家都快啲幫襯啦💛

調嶺景簡直是被遺棄的角落，巴士、小巴少到一個點，只能被迫搭黨鐵... 除左百佳/屈臣氏/大快活，一間黃店也没有。正想放棄之際，竟然在某forum見到！ 意粉店在街市內，黑白配黃色裝修，夠奪目。入街市轉左，行2步就到，內設小型連儂牆。 空間較少，只有數個位，以外賣為主。 意粉餐$40-60不等，送指定飲品。我那天則送豆漿～ 自攜食品盒還可減$2，抵食！ 除了意粉餐，還有其他散叫食品可㨂。 更設 「多謝李家誠基金會」 優惠，回饋食客。 芝士咖哩蜆肉飯 $48  即叫即整，非常新鮮熱辣。 醬汁很creamy、惹味，咖哩夠辣，配上淡淡芝士味，令人回味無窮。蜆數量不少，而且肉蠻厚肉，但有許沙。飯粒偏硬身，如果可以軟綿些會更好。  還有大把機會試，下次試完意粉再向大家報告  P.S. 藍到黑的forum笑這間黃店無人食⋯⋯調景嶺手足快出手！可以外賣架～   

平民學生哥恩物，最平只需$38一個意粉餐，食物質素絕對對得住個定價同佢個店名「平靚正」，係區內高質抵食西餐。因位於街市入面小食店，只有少量座位，但食物出品和價錢已是誠意十足！可惜當日午餐時段暫停小食供應。-白汁野菌大蝦扁意粉$55 👍🏻(跟餐送凍豆漿或蜂蜜綠茶)醬汁味道夠濃，意粉煮得剛好，急凍嘅爽口蝦仁都有五至六粒，份量適中，男仔可考慮加意粉底。環境：3 服務：5味道：7性價比：極高回頭率：70%

今日就同左朋友嚟到調景嶺嘅平靚正西餐廳食晚飯。一入到去環境都好衛生寬躺，唔會話好逼咁，坐得都幾舒服，冷氣十分適中，唔會話太凍/太熱。餐牌嘅嘢食都有晒圖片俾我哋參考！店員都好Nice，會同我地介紹餐牌上面嘅嘢食， 邊啲最受歡迎😍好有親切感～我就叫咗店員介紹嘅白汁野菌大蝦肉丸蜆肉長通粉，同埋炸魚薯角，仲有黑椒牛柳長通粉+煎雞扒～先講下個主菜長通粉白汁味好濃郁，依啲海鮮都好鮮甜！肉丸好野味🤤，份量仲好充足，真係拍得住出面嘅西餐廳！真係好好味😭🤪仲有個黑椒牛仔柳長通粉，啲黑椒味好香，牛仔柳食落好鬆化，配埋個長通粉簡直人間美味佳餚🤤，仲加左個煎雞扒做配料，雞扒煎得好靚，啖啖肉香令人回味無窮🤪最後就係小食炸魚薯角，唔單止賣相靚，口感都相當唔錯！炸魚配埋佢比嘅沙律醬真係好好味🤤，薯角好有薯香味，而且份量又多，呢碟小食都係$32咋！好抵食！我地食左咁多野都係$170左右，又唔洗加一服務費，又送埋特制蜂蜜綠茶飲品，果然係平靚正西餐🤤，估唔到係街市入邊都有呢啲隱世嘅美食❤！

平令正西餐 今日經過呢間街市，見到呢間西餐， 係街市開西餐？ 個名仲要叫平令正西餐，梗係要試下佢，而家下午茶時間，就叫左炸魚薯角，$32。 當付款後以為佢話即炸或者係番炸， 但原來係將預先炸好的放入膠盒中，完全冇預計到不是即炸，如果以這樣既份量，這個水準很難會有人再回頭買第二次。外賣到家拆開盒蓋，盒蓋完全水蒸氣都沒有，就知道連暖也不是，咬下去皮已經是軟哂，而且沙拉醬份量小。只見雖然是小店，但絕對不是用心製作，太失望。

咁岩又黎左調景嶺呢邊行街，本身想試炑八既燒烤架，點知六折係要提前訂位，咁就算啦。開個openrice黎睇下有無咩特別既食店啦，就比我搵到呢間平靚正西餐。利申返先，平靚正西餐係佢個餐廳名，而唔係我讚佢呀。首先係廣受好評既柚子雞翼， 柚子其實只係係平時沖柚子茶果D沖料。而雞翼就。。。有雞味囉。不過第一次食呢個味又幾新鮮既。之後係呢個吞拿魚+蛋 蛋卷。。。erm 個樣同佢貼出黎差好遠下，而且佢塊皮唔熟。。 同埋我expect既蛋卷係雞蛋卷住D餡... 食落餡有餡味，皮唔熟硬到我吐左出黎。 最後就係呢個芝士咖哩蜆肉意粉。 值得一讚既係蜆肉足料同新鮮既。但意粉偏硬，芝士咖哩無芝士味 咖哩汁似完全用咖哩粉沖出黎。總括黎講，嗯 ，我覺得呢間餐廳係似屋企求其趕住整出黎既野食囉。平？我又覺得唔值呢個價。 唔會再食下次，寧願食連鎖既平價意大利餐廳仲好。利申返 以上係我自己既個人食評。 

作為一個調大既同學仔,上完成日堂辛苦左一日梗係要食下好西安慰下五臟廟啦,調景領又冇啖好食,同學話街市開左一間隱世美食,作為一個半專業既美食家,我梗係要試一試佢,話說7點到既時間,原來街市都閂門啦,老闆都話差不多收鋪但都仲唔介意開爐煮俾我地,而且仲不停話你地慢慢食,我地唔怕等埋你既,咁作為一個有良心既食客,我二話不說馬上落單,快啲食完快啲走麻。食物選擇方面,餐廳提供既選擇唔太多,但夠晒親民,可以自己揀麵款,可以自己揀配菜,好似以前興過既車仔麵意粉咁,款款都獨當一面,款款都令人垂延欲滴,而我就揀左蜆肉咖哩天使麵加大蝦同溫泉蛋。隨麵送上既係一蜂蜜綠荼,先講飲品,味道同大定樂好唔一樣,有一種好令人唔識形容既住家味,大概係因為真係綠茶蜂蜜,純天然既感覺。至於麵食方面,比例出人意料既係咖喱居然唔係日本咖哩,係偏印尼咖哩既味道,偏辣,其實餐調味好好,剌激得黎唔會太過份,但我一直以為係日式甜咖哩,而且我係偏唔食得辣既人,加上一菜時間都7點30分,全間餐廳得返我一個人,我作為一個有道德既食客,飲完飲品就決定打包返調大邊chur paper邊食,所以我食既時間係無野飲既,但好彩麵既味道好好,少少辛辣既刺激

本身自己都係附近讀書，所以放咗學自己一個人嚟呢度食嘢，你入到黎店員就好熱情招待，但我入到黎嘅時候已經5:59啦，所以都無謂叫佢整多個下午茶餐啦。 於是我就嗌咗一個白汁野菌大蝦意粉，仲加料叫咗個雞扒，另外都見到佢有啲特色小食，所以我就嗌咗佢個招牌柚子雞翼，等緊餐嘅時候我都見到牆上有台式小食，先發現原來呢間鋪唔單只係西餐仲有台式小食可以嗌，不過由於一個人真係食唔落咁多野，所以我決定淨係嗌個雞翼同白汁野菌大蝦意粉。 等左5分鐘到嘢食都陸續上緊估唔到上餐速度都幾快，個意粉白汁味濃郁，雞扒都大件夾抵食，性價比極高，至於個柚子雞翼，個人覺得好有特色，第一次試柚子醬再加炸雞翼，估唔到有幾夾喎！下次如果放學諗唔到食咩都會選擇嚟呢度再食！

搬咗嚟調景嶺兩個月 已經發現調景嶺其實真係好少嘢食來來去去都係果幾樣⋯ 但最近俾我唔小心走咗入去呢間平靚正餐廳食嘢😆又真係平靚正😋 我同一個朋友去食 佢叫咗白汁惹菌大蝦 我就叫左個意式肉醬 好抵！意式肉醬淨係$38 仲有得揀加餸 我就揀咗辣肉腸 而我朋友就叫咗塊雞扒 份量都幾多！ 首先講吓個白汁惹菌大蝦 咁嘅價錢來講算係物超所值 啲蝦算大舊 唔係蝦仔 望落都好靚 唔似係雪藏好渣嗰啲蝦 汁都夠味 整體不錯 而我食嘅意式肉醬都不過不失 可能因為本身我都好鍾意食蕃茄嘅嘢 因為份量好多我都食唔晒添😂  我哋夾埋仲叫咗柚子雞翼同埋炸魚薯條  第一次食柚子雞翼覺得好有特色 所以叫咗嚟試吓 隻味又幾夾 雞翼係炸完之後再喺上面加柚子醬！一句 好味！  住咁近下次一定會成日嚟食🤣