欽記粉麵

Open Now

Now Closed

欽記 ： 大埔其中一間名物，如果你問我魚蛋邊度最好食，我會化身老友記答你「以前嘅香港仔謝記山窿魚蛋」仲記得以前我成日外賣嗰啲魚蛋返屋企打邊爐，事頭婆帶住一隻Kinder出奇蛋外形大鑽石用個飯碗攞俾你，閃到好似去咗剛果一樣、眼睛都擘唔大，欽記可謂當今最接近謝記魚蛋水準，即係好似Kobe 去當今最接近MJ 嘅球員. 除咗魚蛋之外，佢嘅河粉軟硬適中，食到軟滑，又唔會太淋，有沙河粉感覺，加上自製辣椒油 及必點厚皮魚皮，好味😋佢都有好多潛規則，有時候魚蛋唔夠唔俾你淨食，魚皮不能全部要「厚」，也要你食「薄」，最重要嘅係佢唔俾你外賣。破解方法「隔離茶記用一蚊買膠兜，或者自己帶暖壺咁佢就知道你係熟客，可能佢會就範，希望幫到一啲想買返屋企打邊爐或者孝敬長輩嘅朋友仔