欽記粉麵

Open Now

Now Closed

賣晒就收檔，試過遇到最早11am 舖頭已熄燈執緊野🫨食到都係運氣✨ 每次都食 「鴛鴦 」即係河粉+麵，呢種叫法唔係度度有，岩晒2 樣都想食，又取捨唔到的時候😁😁 有時連河粉都可能賣晒，真係乜都有可能賣晒魚蛋細細粒，食落有魚味魚片彈牙，口感豐富呢度個炸魚皮係厚身果隻 😋😋 仲有碟辣椒油，食的時候，我心較鍾意一粒粒魚蛋咁點嚟食😋😋正 主要賣魚蛋粉，每碗預設有齊魚蛋、魚片、魚皮。呢度食嘢，首先同老闆/伙記示意坐邊度，佢/伙記會拎碟辣作為記認確定你的落單，主要街坊生意，大家有晒默契🤪🤪

走進欽記，聞到一股鮮美湯底香，真係惹味到不得了👃。我點了碗經典魚蛋粉，快手拍咗幾張相就忍不住開動！頭先就講講湯頭，清甜得嚟帶點海鮮嘅鮮味，每一啖都喝得出主廚嘅用心。🍲至於魚蛋，哎喲，表面滑溜溜，一咬落去Q彈得好過癮，有啲「彈牙」嘅口感，又透心涼；魚味非常鮮美，絕對係我食過最好味嘅魚蛋之一。😋河粉就簡單得來幼滑，吸滿咗湯汁，配合嗰三塊魚片，大家真係絕配！試過唔少粉麵，但係欽記嘅魚片質感好到令人難忘，腍滑得來帶點咬勁，食落去確是相得益彰。哦，少不了提一下隨餐附送嘅炸魚皮，佢嘅酥脆做得啱啱好，啖啖滿口香脆，真係有種食唔停口嘅感覺。總結一下，欽記魚蛋粉絕對符合老少咸宜之選，有機會一定要再嚟！👍

今日有行去到大埔撞著欽記開門，當然要試一試啦。住喺大埔嘅人都知道呢間欽記成日都摸門釘。今日食咗我最鍾意嘅魚蛋鴛鴦配粗皮，我夠膽講係我食過最好食嘅魚蛋！可能你會話我誇張啦但係誇張都要咁講㗎啦！

係大尾篤camping完，專登揸車過嚟食。一行6人，人人叫碗魚蛋粉。幾塊魚皮又香又脆，河粉好滑，魚蛋細細粒，但魚蛋、魚片魚味不足，較為失色。今餐有朋友萬歲，多謝曬🙏

今日放假特意坐車去大埔街市欽記，$36一碗魚旦粉，炸魚皮超多粉，咬落去成口油，魚旦細細粒不好食，魚片難食，河粉超鞋，唯一可取是辣椒油。真不好意思，只怪我不懂欣賞。

每次入親大埔搵食，都一定首選欽記，因為佢話就話星期日休息，但事實係平日去都會成日摸門釘，成日想食都食唔到，就算有開門都好，我最愛既粗皮成日都好快賣晒。同埋好少有面檔有得叫鴛鴦，佢既魚蛋鴛鴦配粗皮係食過一次就返唔到轉頭，世界第一！

欽記 ： 大埔其中一間名物，如果你問我魚蛋邊度最好食，我會化身老友記答你「以前嘅香港仔謝記山窿魚蛋」仲記得以前我成日外賣嗰啲魚蛋返屋企打邊爐，事頭婆帶住一隻Kinder出奇蛋外形大鑽石用個飯碗攞俾你，閃到好似去咗剛果一樣、眼睛都擘唔大，欽記可謂當今最接近謝記魚蛋水準，即係好似Kobe 去當今最接近MJ 嘅球員. 除咗魚蛋之外，佢嘅河粉軟硬適中，食到軟滑，又唔會太淋，有沙河粉感覺，加上自製辣椒油 及必點厚皮魚皮，好味😋佢都有好多潛規則，有時候魚蛋唔夠唔俾你淨食，魚皮不能全部要「厚」，也要你食「薄」，最重要嘅係佢唔俾你外賣。破解方法「隔離茶記用一蚊買膠兜，或者自己帶暖壺咁佢就知道你係熟客，可能佢會就範，希望幫到一啲想買返屋企打邊爐或者孝敬長輩嘅朋友仔

欽記由細食到大，由大埔臨時街市食到新街市例牌鴛鴦加底厚皮！講事實，疫情前曾經係好串唔做外賣、唔做過檯，所以我好一大段時間冇食過，加上星期日又休息，幾乎絕緣！但疫情加上街市裝修半年後，已經可以有返外賣同過檯，所以有機會就好把握我鍾意佢鴛鴦係用旦麵，唔係生麵，加埋魚旦夠爽口，最正佢係用有骨炸魚皮，食到一碗滿意魚旦粉，樂上半天

大埔墟街市熟食中心重開後，明顯地人流少咗，始終都係疫情關係大家都怕怕，想了又想最後都係揀咗呢一度。其實好多人都會跨區慕名而來，一試呢碗簡單嘅魚蛋粉🍜———————————————————————————🍜招牌魚蛋河 $35💬湯底係比較清淡，唔屬於濃味系列，手唧嘅細粒魚蛋魚味十足，又彈牙😊，魚片薄切又香又爽，加配兩件😳厚炸魚皮，絕對有別於其他嘅炸魚皮，撲滿脆粉食落更有口感，而且可以單點，一碗粉跟2件，相當矜貴🥺，想食好野當然要有點要求，要飽肚更要有滿足感😋（最重要係每碗都有一碟秘製辣椒油🌶️，識食嘅一定係逐啖逐啖蘸黎食，夠哂過癮）

大埔熟食中心被關閉了超過半年，在疫情下重開，場面有點冷清，因爲限制人數。現在是一半桌子不讓人坐，一桌可以坐四個人。其實倒不如每桌坐兩人，所有桌子可以開放。今天我要跟三個陌生人一起搭枱，其實心裏不舒服。今天大家姐在場壓陣，她指導我坐下，我點了一碗魚蛋粉，跟年頭價錢一樣，35元。以前可以加餸，現在只能加底。味道跟以前差不多，這種店不可能天天的出品都完全相同味道，不太走樣，就是了。魚蛋會因爲魚的種類而口味有差異，天氣也有影響。唯一讓欽記有改變的是外賣！以前因爲生意太好，他們不做外賣，現在不做外賣會影響整體營業。有機會，我會再來找尋我的COMFORT FOOD的。

大埔新街市2樓熟食市場經過大半年的裝修後，近月終於重開了。雖然疫情未知幾時先完，但都無阻街坊對新新市美食的掛念! -上個周末終於忍唔住，早D出發趕及中午12點之前就一定要食到欽記的魚蛋粉! 就算11:30到.. 來食欽記的食客已經好多，等位就必然了! -不過更快的方法，唯有叫飲品痴隨離檔口的座位，咁就可以快好多了! 其實都係互惠互利的方法! 唔洗10分鐘，粉面都齊，食得! 請記住，欽記只係賣魚蛋粉，無其他款可以點餐的! -自己習慣左叫兩溝麵底，口感食起上來會更特別，魚蛋魚皮固然是主角，一如已往咁彈牙鮮美! 湯底唔咸，簡單而清甜! -Bonus 位: 1. 辣椒油+豉油油香、椒脆，唔係好嗆口，辣味適中，加D豉油，撈勻再點魚蛋先係食魚蛋粉最大的享受及滿足! 2. 炸魚骨魚皮 硬魚皮好COM浸，就係浸耐D先好食! 再點返上面個辣椒油，無得輸… 又係冇得另買/加單的….

呢間魚蛋粉檔其實大大話話都幫襯左二十年以上！最初係我呀嫂介紹我去食，雖然最近已經轉左老細、但都冇乜變化，講真其實粉麵係好普通，我只係最欣賞佢嘅厚身炸魚皮但要12:00前先食到，仲有辣椒油正提提大家大約下午1:30就賣晒所有野咖喇魚皮只係跟粉麵、冇得剩食

這次是被騙之下吃欽記的。😒因為本身，友人一早就提議去吃大埔墟熟食市場的牛雜牛腩粉店。但去到又發現這一間魚蛋粉，人流不少，但有碰巧有座位，不如試一次。😒於是坐下，問一問有沒有河粉，店員又稱要等，剛剛賣完，為了不想等，又不喜歡吃米粉，於是勉強點了個麵（其後發現過多五分鐘又復冇有河粉了）。原來，它的幼麵，並不是像雲吞麵那種鹼水幼麵，而好像車仔麵那種，表面比較光滑，但是完全沒有彈性，軟林林沒有朝氣的那種幼麵。本人平生最討厭這種麵條，沒有個性、上不了湯、又沒有彈力、表面又粗糙。除了麵條，它的魚蛋和魚片頭，也可以說是沒有特別，魚蛋，圓形細細顆，不覺得魚味特別鮮香；魚片頭，細細隻三角形的，也不覺得特別香濃。雖然兩碗麵合共好像都不消$80 ，但以其質素來說，的確吃完沒有什麼滿足感/果腹感。🤷🏾‍♀️

同老公拍拖既時候 因為佢住大埔所以成日都會黎街市食早餐食得最多 一定係欽記搬左出去後 成日都好掛住所以今次趁放假黎食早餐以前叫開河粉 今次貪得意叫鴛鴦粉不過都係喜歡河粉多d厚炸魚皮依然好正魚旦同魚片都保持到以前既水準仲有一定要落佢既辣椒油加豉油

這天早餐時間來到附近, 因為一直都沒有試過這間店, 所以便來一試.早就聞說這裡獨賣一款餸, 我點了河粉, 很快便有得吃, 有魚旦, 魚片和炸魚皮, 我喜歡吃脆的魚皮, 所以極速的夾了一件入口才醒起相機未食...整體來說, 最好味的是炸魚皮, 因為它比坊間一般的厚身, 吃著很有口感. 我會因炸魚皮再來的.