Video
Read full review
2019-02-26
1595 views
今日難得一家人喺觀塘做完正經事，所以我提議去阿鴻小吃食個早飯。我哋一行七位18:15去到，仲未有其他客到，可以慢慢睇食咩。食潮州野梗係要揀我最愛嘅煎蠔餅、蠔仔粥、滷水鵝掌翼+墨魚片啦！先黎蠔仔粥，蠔仔唔算大粒，個湯味道較淡，無鮮味，要落好多胡椒粉先可以吊番出味道。滷水鵝掌翼都好失望，雖然鵝掌翼都炆得算稔，但滷水味欠奉，味道好淡，墨魚片過得去啦！新鮮炸起嘅金絲煎蠔餅，蠔仔大過蠔仔粥嘅好多，仲要粒粒飽滿，蛋同粉嘅比例好好，唔經唔覺就食晒！以多層腐皮做嘅素鵝，味道唔錯，算係驚喜之作。阿鴻炒飯入面有乾瑤柱、蝦米仔、菜粒等，所有材料炒得好乾身，粒粒分明，好香口。應該係以豬油撈嘅蔡瀾撈麵，比普通嘅炒麵香，除此之外就無乜分別🤷♀️
食潮州野梗係要揀我最愛嘅煎蠔餅、蠔仔粥、滷水鵝掌翼+墨魚片啦！先黎蠔仔粥，蠔仔唔算大粒，個湯味道較淡，無鮮味，要落好多胡椒粉先可以吊番出味道。
滷水鵝掌翼都好失望，雖然鵝掌翼都炆得算稔，但滷水味欠奉，味道好淡，墨魚片過得去啦！
新鮮炸起嘅金絲煎蠔餅，蠔仔大過蠔仔粥嘅好多，仲要粒粒飽滿，蛋同粉嘅比例好好，唔經唔覺就食晒！
以多層腐皮做嘅素鵝，味道唔錯，算係驚喜之作。
阿鴻炒飯入面有乾瑤柱、蝦米仔、菜粒等，所有材料炒得好乾身，粒粒分明，好香口。
應該係以豬油撈嘅蔡瀾撈麵，比普通嘅炒麵香，除此之外就無乜分別🤷♀️
Post
