Video
Read full review
2019-04-23
343 views
幾個月前黎又一城溜冰，已經想試呢間新開既餐廳！睇Menu除左有西餐仲有Flippers既Pancake，都幾吸引，不過當時晚飯時段，見到長長既人龍就令我卻步。最近都多左朋友試左，都話好好食，要排隊都抵。所以我同另外兩位朋友三人行就早啲去排隊，大概晚上六點左右，當時都有十幾人排緊隊，最後排左約半個鐘就入得。入座後座位較少，只有數張長枱，同幾張bar枱，表示一定要搭枱，仲要同隔離枱既人無乜距離。不過餐廳都較光猛，感覺舒適（除左有時同隔離搭枱既人唔小心你眼望我眼）叫左3個main，光速就上左菜。首先有明太子醬海膽意粉 ($198)，佢用左天使麵，明太子醬唔會太浠亦唔會太濃，岩岩好。海膽朋友話第一舊食落有少少腥，但我同另外一位朋友食都覺得無腥味。唔係唔好食但又覺得未至於食完會驚嘆好好食。再黎係蕃茄海鮮意粉 ($188)，賣相都唔錯，不過青口好細粒肉，帶子煎完都算大粒同香口，蝦就普通，感覺唔算好新鮮，意粉上都有分明既蕃茄粒，不過因為佢唔係蕃茄醬，所以味道較淡，整體都係普通，$188既話其實相當不值。另外仲叫左個芝士漢堡 ($109)。店員係落單時都好細心問定需唔需要幫我地切開一半。不過上左菜見到
幾個月前黎又一城溜冰，已經想試呢間新開既餐廳！睇Menu除左有西餐仲有Flippers既Pancake，都幾吸引，不過當時晚飯時段，見到長長既人龍就令我卻步。
最近都多左朋友試左，都話好好食，要排隊都抵。所以我同另外兩位朋友三人行就早啲去排隊，大概晚上六點左右，當時都有十幾人排緊隊，最後排左約半個鐘就入得。
入座後座位較少，只有數張長枱，同幾張bar枱，表示一定要搭枱，仲要同隔離枱既人無乜距離。不過餐廳都較光猛，感覺舒適（除左有時同隔離搭枱既人唔小心你眼望我眼）
叫左3個main，光速就上左菜。首先有明太子醬海膽意粉 ($198)，佢用左天使麵，明太子醬唔會太浠亦唔會太濃，岩岩好。海膽朋友話第一舊食落有少少腥，但我同另外一位朋友食都覺得無腥味。唔係唔好食但又覺得未至於食完會驚嘆好好食。
明太子醬海膽意粉
$198
29 views
0 likes
0 comments
再黎係蕃茄海鮮意粉 ($188)，賣相都唔錯，不過青口好細粒肉，帶子煎完都算大粒同香口，蝦就普通，感覺唔算好新鮮，意粉上都有分明既蕃茄粒，不過因為佢唔係蕃茄醬，所以味道較淡，整體都係普通，$188既話其實相當不值。
蕃茄海鮮意粉
$188
38 views
0 likes
0 comments
另外仲叫左個芝士漢堡 ($109)。店員係落單時都好細心問定需唔需要幫我地切開一半。不過上左菜見到佢切開一半後支插實佢既竹籤係求其插 (根本冇插實個包)。味道都係普通，不過中間既牛肉都唔會好乾，都有肉汁。芝士漢堡都有薯條伴碟，不過薯條認真麻麻，唔係好夠熱，較為硬身，感覺唔知擺左幾耐咁，好中意食薯條既朋友都表示失望。
芝士漢堡
$109
27 views
0 likes
0 comments
酸忌廉黑松露薯條 ($59)，薯條既份量都唔少，足夠3-4人食。酸忌廉同黑松露既份量都足夠點晒成盆薯條。今次係熱辣辣既薯條，不過都係較硬身！所以都係感覺麻麻地，可能個個人口味唔同啦。
酸忌廉黑松露薯條
$59
20 views
0 likes
0 comments
最後當然唔少得叫埋由Flippers出品既Souffle Pancake ($99)！叫左原味一份，一份有三件，呢個反而係等得最耐，Menu上都有提及要等大概25分鐘，因為每一份Souffle Pancake都係即叫即製。大概等左20分鐘左右，就有得食啦。賣相好靚，Pancake望落亦都夠大份，而且Cream亦都好大舊，睇見都好開心hehe。食落口蛋味好香，好軟熟，係成餐飯覺得最滿意最好食。因為都係食空氣所以極快就食晒。
Soufflé pancake
$99
31 views
0 likes
0 comments
整體黎講，又要排隊，野食又貴（感覺不值），咁多野食只得Pancake令我滿意。非必要都唔需要再食多次，試過就夠了。
Post
