雞駅花膠雞米線專門店

Open Now

Now Closed

我同朋友下午四時上去，成功避開人流，加上落雨都唔會太多客，店舖以QR code下單所以都冇太多人為錯誤，職員態度又未去到惡劣，收拾時亦有微笑回應，環境又大致乾淨，唔會黐立立同太多污跡。講返個湯，我叫左佢哋招牌花膠雞湯米線，但轉左白飯，我食法係將個飯倒落去變湯飯，不過個湯偏鹹，唔知係唔係因為晏去煲耐左。佢個雞湯風格偏津白，有啲似史雲生再加少少豬骨湯，飲完會有啲頸渴，需要灌水。🥲佢啲花膠淋到好似蒟蒻，不過唔腥都值得加分。佢啲雞係以切雞的方式呈現，佢d切雞唔會有啫喱又唔會太肥，可能係清遠雞，可惜啲雞嘅雪味未去得清，佢又冇用大量醃料提鮮，最後只食到一塊雞皮嫩而肉鞋颯颯的雞肉，我冇加到$10轉雞髀肉，不過佢都俾雞翼同埋雞胸位置等無骨位置，都值得欣賞。最後個湯嘅配料，係利乾蟲草花所以唔會有太多水份，而小木耳都爽身，可惜兩者份量都太少。