水門雞飯 (萬勤商業大廈)

Open Now

Now Closed

收藏左一排既水門雞飯，今晚終於去一嘗，門面同裡面既裝修不一，門面比較吸睛，裡面有種置身於泰國的感覺。先來個湯，一飲就覺得中伏，所以飲左一啖就放棄，超重胡椒味，個人不太喜歡。水門雞飯最期待就係呢個水門雞飯！先講個飯，入口有雞油香而又唔膩。再試雞件，肉質偏鞋身，又冇咩雞味，好失望呢！泰北清冬陰魚片湯粉男朋友知我喜歡食魚，所以就揀左呢個魚片湯粉。裡面配料除左有魚片，仲有幾隻蜆、草菇。魚片滑嫩，蜆肉鮮甜，但男朋友表示食到隻係有沙。呢個泰北清冬陰湯底同平時冬陰湯好唔同，味道較清淡，略帶點微辣，辣度大概係譚仔既10小辣。不過不失的一餐飯，試過一次就夠啦。另外想講講店員的服務態度真的很一般，強迫客人怎樣坐，口吻亦不友善，去過的人就會明。