Video
Read full review
2013-12-17
4703 views
因為太懶緣故,一段勁長時間冇寫食評,因為呢間野,我忍唔住再次執筆表達下感受。。。。一路以黎都好掙扎試唔試呢間野,因為啲評語都幾極端,一係捧到天上有,一係踩到地下冇咁,但由於臨時決定提前做冬,諗都唔想諗就唯有揀返區內食肆。。。我地點左:炸鮮奶 - 滿心期待呢個菜式,但係粉漿厚之餘,個底鋪滿油,而且個心又唔驚喜,如果呢個唔係佢招牌菜,或者唔會咁失望,只可以講以炸物聞名的話,唔應該有呢個效果出現。。。香酥鴨 - 又一招牌菜,比炸鮮奶好少少,但絕唔會係以前細個睇既伙頭仔昆布咁,食完曉飛天兼大嗌:好好味呀~果種感覺囉燒乳鴿 - 收成90蚊隻。。。啲人話真係極度好食。。。我真係諗唔明。。。呢個係最令我R頭一道菜。。。佢唔係唔好食,只係堅唔明果啲話間唔中要買乳鴿返屋企做餸既人點解咁捨得駛呢啲錢。。。不過寫到呢度之際,屋企人同我講,出面都要呢個價錢啦~此刻完全明白了。。。原來佢唔知茶樓可以三,四十蚊成交。。。。蝦子柚皮 - 因為老一輩想回味而叫的菜式,後生的2個食左,1個話幾特別,1個話應該叫呃錢柚皮先岩,結果餘下不多,只好留返俾長輩品嚐,只係見佢地食完咩都冇講。。。煎封釀豆腐,咸魚雞粒炒飯 - 都係
一路以黎都好掙扎試唔試呢間野,因為啲評語都幾極端,一係捧到天上有,一係踩到地下冇咁,但由於臨時決定提前做冬,諗都唔想諗就唯有揀返區內食肆。。。
我地點左:
炸鮮奶 - 滿心期待呢個菜式,但係粉漿厚之餘,個底鋪滿油,而且個心又唔驚喜,如果呢個唔係佢招牌菜,或者唔會咁失望,只可以講以炸物聞名的話,唔應該有呢個效果出現。。。
香酥鴨 - 又一招牌菜,比炸鮮奶好少少,但絕唔會係以前細個睇既伙頭仔昆布咁,食完曉飛天兼大嗌:好好味呀~果種感覺囉
燒乳鴿 - 收成90蚊隻。。。啲人話真係極度好食。。。我真係諗唔明。。。呢個係最令我R頭一道菜。。。佢唔係唔好食,只係堅唔明果啲話間唔中要買乳鴿返屋企做餸既人點解咁捨得駛呢啲錢。。。不過寫到呢度之際,屋企人同我講,出面都要呢個價錢啦~此刻完全明白了。。。原來佢唔知茶樓可以三,四十蚊成交。。。。
蝦子柚皮 - 因為老一輩想回味而叫的菜式,後生的2個食左,1個話幾特別,1個話應該叫呃錢柚皮先岩,結果餘下不多,只好留返俾長輩品嚐,只係見佢地食完咩都冇講。。。
煎封釀豆腐,咸魚雞粒炒飯 - 都係出面唔駛用呢個價錢但又可以食到同樣水準既菜式
大馬站煲 - 黎到呢道菜已經冇掂過,其實都係冬菇，燒腩肉,煎封豆腐咁炆成的1個煲,已經冇驚喜令我想有親近佢衝動。。。。
核桃露(送的) - 呢個反而係失望過後的驚喜,狀似嘔吐物既佢，雖然外表唔吸引,但味道幾真實,連平時對糖水甜品只係俾面派對呷一口的老爸都食晒成碗
總結就係成餐飯我不斷諗點解呢間會係星級飯店??究竟係咪呢間野有幾個級數唔同大廚主理??點解大家啲食評差咁遠??問心講,我唔係奄尖食家,而且絕對捨得俾錢食貴野既人,但點解咁言過其實。。。
不過反而想為佢地平反下,唔知係啲員工有再培訓,定之前啲人過度誇張,其實佢地冇所講咁態度差劣,間唔中都有聽到佢地唔該前唔該後,走又叫我地拎齊野咁,比起佐敦好多明星幫襯果間星級館,呢度好好多~
Post