Video
Read full review
2021-11-26
896 views
11月26 lunch 慶祝太太生日，但價錢同食物不成正比。整體評分： 2.5/5服務：整體3/5最近工作太忙未有充足時間book枱慶祝太太生日，原本打算book lunch buffet，但出名既都full晒。唯有做research睇下有咩餐廳適合同太太慶祝生日，最後見呢間餐廳正評多多人，所以book枱一試，預早一日book枱都仲book到。book枱時職員只係話1200有位，無講其他事宜要客人注意。於是我再問問職員有冇啲特別報置可以慶祝太太生日，職員話可以係甜品碟到寫字。到左今日食飯日子啦，因為工作原故遲左去到餐廳，1210既時候一位女職員打黎問位置，我話係中環搭緊地鐵過緊黎，職員話最多留多10分鐘枱，如果10分鐘內趕唔到黎會將張枱俾其他客人。知道自己遲到唔岩，所以1218銅鑼灣落車後再打俾職員講聲趕緊過黎，擔心張枱真係俾左其他客人。女職員答到好似好難做咁，話真係最多留到5分鐘。最後終於順利趕到上去，但係一去到內心真係講左粗口。間舖好細姐，約莫有10張枱，去到個陣計埋我坐個張枱，都仲有3張枱剩，仲要係無人等緊枱入座。心諗頭先電話好似講到爆場好多人等緊我張枱咁，真心唔明個女職員玩咩😅
服務：整體3/5
最近工作太忙未有充足時間book枱慶祝太太生日，原本打算book lunch buffet，但出名既都full晒。唯有做research睇下有咩餐廳適合同太太慶祝生日，最後見呢間餐廳正評多多人，所以book枱一試，預早一日book枱都仲book到。book枱時職員只係話1200有位，無講其他事宜要客人注意。於是我再問問職員有冇啲特別報置可以慶祝太太生日，職員話可以係甜品碟到寫字。
到左今日食飯日子啦，因為工作原故遲左去到餐廳，1210既時候一位女職員打黎問位置，我話係中環搭緊地鐵過緊黎，職員話最多留多10分鐘枱，如果10分鐘內趕唔到黎會將張枱俾其他客人。知道自己遲到唔岩，所以1218銅鑼灣落車後再打俾職員講聲趕緊過黎，擔心張枱真係俾左其他客人。女職員答到好似好難做咁，話真係最多留到5分鐘。最後終於順利趕到上去，但係一去到內心真係講左粗口。間舖好細姐，約莫有10張枱，去到個陣計埋我坐個張枱，都仲有3張枱剩，仲要係無人等緊枱入座。心諗頭先電話好似講到爆場好多人等緊我張枱咁，真心唔明個女職員玩咩😅（呢個位真心係令服務大減折扣既原因）撇除呢個因素，職員有禮貌，收碟好快，職員對客人既比例都好充足。原本係值得俾4/5分。
食物：整體2.5/5
睇完menu，最後叫左一個蘑菇湯，一個蟹肉牛油果沙律，一個意大利波菜飯，一個紅蝦手製意大利面，一杯cappuccino，一杯熱檸水。
叫完野食，職員隨即上左份面包，面包係送既。只係配左酸忌廉，橄欖油同埋黑醋，個人覺得outback既會好食啲。面包無特別：2.5/5。
蘑菇湯：
呢個湯值得一讚。好多時飲蘑菇湯會覺得好油好膩，但呢個蘑菇湯就唔會，湯身較稠，有好濃既蘑菇味，值得推介。評分：（4.5/5）
蟹肉牛津果沙律：
賣相好靚，成個圓柱體咁，但味道都係普普通通。蟹肉mix左沙律醬同wasabi ，牛油果就墊底。太太唔食wasabi，我就覺得wasabi唔太match沙律，叫得沙律食原本係想食啲清新既野，但個蟹肉沙律mix左wasabi ，下下都食到想打乞嗤咁，食到好辛苦。順帶一提，menu無寫過呢個菜有wasabi，order時職員又無remind客人。評分：（2.5/5）
紅蝦手製意大利面：
2隻紅蝦，剝晒殼既，食落好方便。成個意大利面好香蝦味，聞都聞得出。食落都好香蝦味。但唔係好識欣賞佢個手製意大利面，無論外型定口感都係日本拉麵無誤😶🌫️成個面除左好香蝦味外真係無特別。另一重點係個面同蝦都好咸，已經係同我太太share 一齊食，但係一路食一路覺得個口同條脷就黎損。評分：2/5，太咸，價錢不成正比
意大利菠菜飯：
意大飯無乜特別，不過又係好咸，飯既口感真係意式有少少咬口。（評分：2.5/5）
成餐最好味既係個蘑菇湯，值得推介。沙律mix左wasabi，不是我同太太口味。兩個主菜都好咸，唔明點解個紅蝦意大利面可以係chef recommendation。成餐計埋加一，盛惠$912。咁既價錢去食餐lunch應該仲有好多選擇，完全係名過於實，可一不可再既意大利菜👋🏻
Post
