Video
Read full review
2024-11-16
855 views
之前在ig有見過關於這家店的post, 一直都想試下。6點多到達，人不多，坐位挺寬鬆，不錯。7點開始人多，坐滿，就開始好大煙。講番食物，有專人幫你燒，但佢有機會係一個人燒幾枱客，只會將食物煮熟，而不會理你的進食速度，一味煮一味煮，然後放晒係你面前就走。晚市套餐全部都只係肉+肉的選擇，如果你想食下麵或者小食就要另外單點，如果只得2個人去食的話，可能就食唔到咁多野了。我地叫左一個餐有牛排骨+牛五花+醬油蟹，牛排骨不過不失，牛五花份量超多，但所謂的牛五花就是一大疊沒有味道的低質素肥牛，燒完都完全唔好食亦沒有牛香沒有油香，醬油蟹得個鹹字。簡單講句，成個餐overpriced, 只有牛排骨叫做正常發揮。另外單點左水冷麵同雞蛋羹，水冷麵都幾唔錯，清涼開胃，份量不少。問題來了，雞蛋羹，佢寫明如果你食完幫佢post個5星食評係openrice, 比佢睇下，就會免左雞蛋羹的費用。好啦當時影左d相，寫左d評語，比收銀睇。睇完之後，佢仲確認是否openrice食評，我話係，然後佢亦回覆ok. 跟住佢就快快遞出卡機比我拍卡，沒有再打印最後張單比我對，咁我亦都諗住唔緊要啦佢都有睇左我食評，又回覆ok, 所以我就
講番食物，有專人幫你燒，但佢有機會係一個人燒幾枱客，只會將食物煮熟，而不會理你的進食速度，一味煮一味煮，然後放晒係你面前就走。
晚市套餐全部都只係肉+肉的選擇，如果你想食下麵或者小食就要另外單點，如果只得2個人去食的話，可能就食唔到咁多野了。
我地叫左一個餐有牛排骨+牛五花+醬油蟹，牛排骨不過不失，牛五花份量超多，但所謂的牛五花就是一大疊沒有味道的低質素肥牛，燒完都完全唔好食亦沒有牛香沒有油香，醬油蟹得個鹹字。簡單講句，成個餐overpriced, 只有牛排骨叫做正常發揮。
另外單點左水冷麵同雞蛋羹，水冷麵都幾唔錯，清涼開胃，份量不少。問題來了，雞蛋羹，佢寫明如果你食完幫佢post個5星食評係openrice, 比佢睇下，就會免左雞蛋羹的費用。好啦當時影左d相，寫左d評語，比收銀睇。睇完之後，佢仲確認是否openrice食評，我話係，然後佢亦回覆ok. 跟住佢就快快遞出卡機比我拍卡，沒有再打印最後張單比我對，咁我亦都諗住唔緊要啦佢都有睇左我食評，又回覆ok, 所以我就廢事阻住後面，直接拍卡比錢。點知比錢途中比我見到佢收銀個mon仲顯示住有雞蛋羹的收費，我馬上問佢，然後佢一臉不爽咁輸入左一堆code定password咁嘅野免左雞蛋羹的費用，態度很差，黑面不爽，而且很不老實，都唔知用呢個手法呃過幾多人。
所以，寫咁長希望大家睇到，不要被這些高分食評呃左，因為係佢地用雞蛋羹吸引人比高分。
整體服務亦不太好，食到成枱野都冇人收，第一樽凍水飲完再refill就只得室温水。燒肉就真係快快幫你燒，同時燒緊幾枱客，燒完放埋一堆就走，唔理你食唔食得切。收銀黑面不老實，名過於實，不值這個價錢。但講番句中肯說話，水冷麵同雞蛋羹係幾唔錯，不過都唔會令我回頭。
Post
