Video
Read full review
2018-03-20
2496 views
生日慶祝想揀間傳統上海菜，最後選擇成日經過都唔多留意到嘅「滬江飯店」。朋友負責訂枱共8人，但電話訂座過程完全無提示過要預留任何菜式，就這樣到慶祝當晚啦！準時到達飯店，第一個印象係嘈、嘈、嘈，真係要連講三次「嘈」，之後就覺得好迫呀，飯店set枱相當進取，用盡所有空間，所以形容飯店環境只用「嘈+迫」二字就夠！服務方面就真係強差人意，大概係舊式作風或服務員太忙，佢哋根本無多餘時間應接食客所需，而且我覺得普通服務生比貌似部長或經理們更會招待食客！等了又等終於有人招呼點菜，第一道想叫北京填鴨，服務員反應：「呵、呵、呵，你哋想食？無訂就想食？邊有得你食！」要預早訂無問題，問題係訂枱時從來無人提過！再叫另一必食「炒鱔糊」，又話賣哂！！！看看手錶，現在時間只係晚上七時三十分！！食過多間岀名老牌上海京菜餐廳飯店，係完全唔會發生！最後點了——小籠包x2、蒸肉餃、素餃 (每籠各4隻)：三款我只食了小籠包，皮不夠薄、餡不夠汁，失望！蔥油雞(半隻)：同想像中有啲岀入，原來係炸子雞，味道尚算不差。紅蔥頭蝦膠釀豆腐煲：算是不錯，蝦膠彈牙再釀豆腐，好食！賽螃蟹：無咩驚喜，朋友話幾好，但我嫌唔夠滑，一般！火腿玉樹：總覺
準時到達飯店，第一個印象係嘈、嘈、嘈，真係要連講三次「嘈」，之後就覺得好迫呀，飯店set枱相當進取，用盡所有空間，所以形容飯店環境只用「嘈+迫」二字就夠！
服務方面就真係強差人意，大概係舊式作風或服務員太忙，佢哋根本無多餘時間應接食客所需，而且我覺得普通服務生比貌似部長或經理們更會招待食客！等了又等終於有人招呼點菜，第一道想叫北京填鴨，服務員反應：「呵、呵、呵，你哋想食？無訂就想食？邊有得你食！」要預早訂無問題，問題係訂枱時從來無人提過！再叫另一必食「炒鱔糊」，又話賣哂！！！看看手錶，現在時間只係晚上七時三十分！！食過多間岀名老牌上海京菜餐廳飯店，係完全唔會發生！
最後點了——
小籠包x2、蒸肉餃、素餃 (每籠各4隻)：三款我只食了小籠包，皮不夠薄、餡不夠汁，失望！
蔥油雞(半隻)：同想像中有啲岀入，原來係炸子雞，味道尚算不差。
紅蔥頭蝦膠釀豆腐煲：算是不錯，蝦膠彈牙再釀豆腐，好食！
賽螃蟹：無咩驚喜，朋友話幾好，但我嫌唔夠滑，一般！
火腿玉樹：總覺得火腿跟介蘭不是太相配，味道不過不失。
招牌炒拉麵：不是太油，幾好！
原煲咸肉菜飯：唯一一個即讚，咸肉不會太喊而夠香，菜飯乾身不油膩，好食！
胡椒鮮肉燒餅：最早叫，最遲上的三個燒餅，好辣，朋友話好味！
仲有幾樣菜無影相，印象都只係係中規中矩。
用膳完畢，三催四請先有人幫手執枱，同上生日蛋糕，賬單上亦有一項叫「自來蛋糕」，要收取$50所謂切餅費，事前已知，亦已接受！但問題係8個人俾6支叉、5隻碟！飯店收得人所謂切餅費(其實都係自己切)，可否認真點，錢就識收、基本服務都欠奉！
今晚係一個既超級嘈吵嘅環境、又令生日主角失望嘅生日慶祝！都係嗰句，名過於實、只此一試！
Post
