餃店 (Closed)

噚日行開西九龍中心諗住上美食廣場求其搵啲嘢食，行咗個圈見有間野特別多人，行去昅昅……餃子??見佢除咗傳統嘅餃子外有啲特別嘢，(意式芝士肉醬煎餃 ? 黃金咖喱豬肉煎餃 ?? ) 乜嚟 o架，但見貢多人食姑且試個意式芝士肉醬煎餃子, 有驚喜喎! 西式食材做中式餃子，相信冇人諗到咁樣嚟做餃子，個底煎得好香脆，入面好多肉汁好似食緊九龍城 清真牛肉飽咁，於是有信心食埋個黃金咖喱豬肉煎餃，好有咖哩香味都好惹味喎，飲埋杯五花茶！飽晒，唯有下次先至食其他嘢。總評 : 呢間叫餃店 的餃子店的確好有誠意去做餃子，並非一般傅統餃子店，雖然舖仔細細但好有心思，由食物創意、門面裝飾以至一個紙碗一張餐紙都有用上心機，可能呢啲就係成功之道啦~