太平館餐廳

Open Now

Now Closed

一間經營咗一百五十年既餐廳，經歷無數風雨，香港絕無僅有，今次係第一次去，真係要㗳真啲。七點後唔可以訂位，唯有walk-in，真好彩，去到即有位。裝修比較懷舊，全場充滿橙黃色既氣氛，時光倒流一樣，集體回憶就係呢種。食物其實都好味，瑞士雞翼、瑞士牛河、芝士焗西蘭花等等，水準未算一流，但係你食完都會好滿足。主要想講既係佢個梳芙厘，人頭咁大個，好攪笑，都幾好食，一班朋友聚舊的話，太平館的確係好選擇。p.s. 個waiter話個梳芙厘要等32分鐘即叫即整，我立即計時，結果係42分鐘先有得食，之後我仲見到幾個waiter圍埋研究點解要42分鐘先出爐，呢種賽後檢討既態勢，真係值得新一代或新食肆學習。