Video
Read full review
2011-01-09
36 views
好凍，好想打邊爐 ~ 係美孚行來行去都搵唔到有飯店、有酒樓有中式邊爐，行行吓，黎到荔枝角先搵到，真係搵食艱難啊 ~ 起初還以為係稻香，食完先知原來係同一集團，不過唔同名囉 ~ 唔掛得格局、裝修、食物都咁相似啦 ~ 依家改左自助調味吧，要自己行出行入攞野飲、攞調味料，搞錯呀，要食自己、自己搞掂 ？﹗出街食飯都係想有服務啫，要扣分呀 ~ 原來唔止我一個咁諗，隔鄰枱位成身銅嗅、講野聲大大既阿叔都有同感，，感到好驚訝。佢大聲同個侍應講吓？幾時轉架？要自己服侍自己？我叫您去攞得唔得呀？醉雞煱湯底，足料、酒香、味濃、香甜美味，忍唔忍連飲碗，事後都唔覺口渴，證明真材實料，正呀。醉雞煱雞件，用花紹醃過，肉質超嫰滑，雞味重，又唔會太肥，煮熟後有微微既酒香甜味，好味道。桂花蚌，大大碟，份量不少，好爽脆，又滑又新鮮，超水準。安格斯牛肉粒，略厭肥膏同根太多，口感過硬，完全無棉滑感。頂級手切雪花牛，超甜呀，重牛肉味，肉汁豐盈，口感嫰滑。脆鯇魚骨腩，勁爽脆又有鮮魚味。竹笙，新鮮爽脆，吸收晒所有湯既精華，勁好味，既保健又健康。手打四寶丸，有牛、鯪魚、鮮蝦、鮮墨魚，全部新鮮彈牙。我唔太喜歡加工過既丸，新鮮好食百倍。美
依家改左自助調味吧，要自己行出行入攞野飲、攞調味料，搞錯呀，要食自己、自己搞掂 ？﹗出街食飯都係想有服務啫，要扣分呀 ~ 原來唔止我一個咁諗，隔鄰枱位成身銅嗅、講野聲大大既阿叔都有同感，，感到好驚訝。佢大聲同個侍應講吓？幾時轉架？要自己服侍自己？我叫您去攞得唔得呀？
醉雞煱湯底，足料、酒香、味濃、香甜美味，忍唔忍連飲碗，事後都唔覺口渴，證明真材實料，正呀。醉雞煱雞件，用花紹醃過，肉質超嫰滑，雞味重，又唔會太肥，煮熟後有微微既酒香甜味，好味道。
桂花蚌，大大碟，份量不少，好爽脆，又滑又新鮮，超水準。
安格斯牛肉粒，略厭肥膏同根太多，口感過硬，完全無棉滑感。
頂級手切雪花牛，超甜呀，重牛肉味，肉汁豐盈，口感嫰滑。
脆鯇魚骨腩，勁爽脆又有鮮魚味。竹笙，新鮮爽脆，吸收晒所有湯既精華，勁好味，既保健又健康。
手打四寶丸，有牛、鯪魚、鮮蝦、鮮墨魚，全部新鮮彈牙。我唔太喜歡加工過既丸，新鮮好食百倍。
美國桶蠔，烚熟後，超濃蠔味，勁正。多水多汁，好強既鮮味，口感軟棉棉、滑溜溜。
鮮雞子，大大粒又鮮甜，外皮脆、裡面又棉又溜，好正呀。酒樓只供應雪藏貨，當然不及自己去街市雞檔買鮮食子般好食。
白菜仔，新鮮嫰綠已滿意。
Post
