豐鮪

Open Now

Now Closed

呢個唔係真鹹蛋肉餅飯嚟㗎，係醬油漬蛋黃拖羅蓉丼飯。為處於渣甸坊入邊呢間小店，本身係做開吞拿魚批發，攞貨梗係新鮮同埋正啦。而家佢主打拖羅蓉飯、同埋佢嘅稀有部位刺身，仲有刺身燒賣添。兔仔洗晒用手機落單同埋俾錢，佢哋當飯已經爆咗沙律餐湯同埋一個蟹膏茶碗蒸，計落都唔算好貴。個飯個蛋黃撈埋拖羅用一齊食嘅時候就真係冇得頂，夠晒味，唔使再加豉油。蟹膏茶碗蒸都好濃味，鍾意食拖羅嘅朋友就唔好錯過啦。佢哋仲有好多創作燒賣，其實都係一個壽司嚟嘅，用大豆整成嘅燒賣皮包住壽司飯同埋刺身料。最值得試嘅當然就係柚子拖羅蓉燒賣，柚子香同埋魚油香加埋飯的確好食。另外重視咗佢哋嘅蟹三味燒賣包括係蟹膏、蟹肉同飛魚子一樣咁出色。