吞POT 雞煲火鍋.住家菜 (山林道) (Closed)

為咗慶祝朋友搵到工作，今日決定同朋友去食吞pot！吞pot一下！之前喺IG度見到有人打卡係呢間餐廳食飯，就俾佢呢個名吸引咗！雖然係平日去食，但我哋都有預早預約！大約夜晚7點左右，我哋就入咗餐廳就坐，侍應安排咗我哋坐喺電視附近，方便我哋睇奧運，好貼心！之後又攞左唔同種類嘅醬料俾我哋自己調製，有好多選擇啊，只需要每位$12！跟住我哋就嗌咗花雕藥膳雞煲，見到個名已經好吸引，我哋仲嗌左菜菜籃、烏冬同汽水！當花雕藥膳雞煲送咗枱面嘅時候已經聞到好濃嘅藥膳香味，煲得越耐越香添！入邊仲有好豐富嘅配料，有淮山、紅棗、杞子等，未食雞肉之前我已經即刻飲咗半碗湯，真係好鮮甜！再試埋啲雞肉，好鮮滑！菜同烏冬放喺湯底度都變得更加好食，我同朋友食完都表示好滿足呢！