吞POT 雞煲火鍋.住家菜 (山林道) (Closed)

今日朋友係尖沙咀收工，就約左我去尖沙咀分店的吞POT 雞煲火鍋.住家菜食鷄煲！等我地都可以靜靜地食雞，吞POT 一陣。餐廳雞煲的選擇夠多！有辣有唔辣，仲有女士最愛的花膠雞。我地得2個人驚食唔曬，所以就叫左重慶麻辣雞煲(半隻$178)，雞煲的辣度可以選擇！朋友唔係好食得辣，所以就叫左BB辣。重慶麻辣雞煲(半隻)：一打開蓋雞煲的醬汁香氣就撲鼻而來！醬汁味道適中唔油膩，加上有少少辣辣地感覺好滋味。雞件很嫩滑，就算煲久了肉質也沒有變得粗糙，鷄肉配上惹味的醬汁令人不知不覺就食完。食完雞煲後店員為我們加上熱湯，然後可以揀配料打邊爐。爆芝響鈴：那個響鈴好特別，因爲響鈴中間的部分係有芝士的！！超正芝士控的人不能錯過。食完真的會令人很驚喜。蟹籽墨魚滑：墨魚滑彈牙爽口，而且鮮味十足！自制蟹粉蟹肉雲吞：餐廳自家製的雲吞好足料，雲吞皮薄餡靚！咬開充滿蟹的鮮甜味，仲能夠食到一絲絲的蟹肉，果然真材實料。呢餐我地食到好飽！！餐廳價錢合理，食材新鮮足料，選擇夠多。下次我們一定會再黎食。