Still

Open Now

Now Closed

今日又來到啟岸，睇到哩間西餐廳唔錯，咁試試。啟岸餐廳晚市大部分都唔算full，所以都坐得幾舒服，同埋環境都好靜，適合同FD吹水。小食炸雞軟骨，雞軟骨炸得好香脆，落咗少少鹽，唔錯。招牌西班牙水果茶，茶底好香，加咗柚子等新鮮水果蓉，飲落層次好豐富。黑毛豬火腿及辣肉腸火腿,搭配埋酸種麵包同醃制橄欖。火腿食落脂分明，唔會覺得好鹹，搭配埋酸種麵包一齊食好味。黑松露白毛豬火腿多士，多士好香脆，沙律醬好香黑松露味，同火腿好夾。香煎慢煮八爪魚，八爪魚煮得啱啱好，食落好Q彈，唔會覺得硬，搭配咗兩款唔同風味嘅醬汁，唔錯。帶子刺身配西柚柚子醋，帶子好新鮮，可以食得出帶子嘅鮮甜，柚子醋唔會好酸搶曬帶子味。慢煮北海道十勝豬楠配泰式醬汁，豬楠煎得好香，泰式醬汁搭配豬腩肉食落好清爽。甜品揀咗特濃朱古力心太軟配柚子雪葩，心太軟送上來仲熱笠笠，切開真係流心，OK。朱古力好香濃，唔會覺得好甜，搭配埋柚子雪葩酸甜味，成個甜品食曬都唔覺得滯。哩間餐廳出品好高質，位置就未算就腳，以後去FD屋企可以再encore！