五匠六釜

Open Now

Now Closed

餐廳位於啓德Airside商場六樓，星期五晚食客人頭湧湧，餐廳主打京川滬式料理，菜式款式多樣，價錢亦都幾下貼地，坐窗邊可見到夜景燈飾。肉三鮮餃餃子餡料飽滿，隻隻都脹卜卜，真做到皮薄餡靚，特別推薦肉三鮮餃，豬肉和蝦肉配搭和諧，食落味道好出，醬料有醋和辣醬可自己沾點。秘製牛奔麵牛腩炆得好腍又好入味，牛筋口感軟熟同時咬落有韌勁，麵係幼油麵，軟硬適中亦掛湯，配以兩條大白菜，性價比不錯。涼拌土豆絲土豆絲口感爽口，食落有魚露和麻油既香味，味道不錯既開胃菜。醉雞醉雞份量都唔少，食落都有鮮味，肉質鮮美，調味剛剛好，有淡淡既酒香味和甜味。脆炸鮮奶有得揀即上或叫起，炸鮮奶外層酥脆香口，內裹既鮮奶饀甘香純厚，有濃郁既奶香味，外脆內軟，層次感十足。