阿元菜市場 (科士街) (Closed)

堅尼地城今時唔同往日，多左好多小店酒吧同cafe，特登去個到行下海旁食下野。😋一早bookmark左依間阿元菜市場，阿元來了就食得多，餐牌上還是有分別吧。❤️芋圓火鍋 （$99)坦白講，我都係為左依個火鍋而來，大概應該適合3-4人享用吧。湯底方面我同友人選擇左黑糖牛奶，個人覺得比較配襯甜品。底料本身已包括三色芋圓、仙草、蜜紅豆、豆腐花、黑糖珍珠，仲有滿滿既冰底。我地都冇選擇再加配料，認為咁樣已經好夠食。賣相本來已吸睛，加上用埋外型華麗既金壺同鍋，絕對有用心構思，影相一流。湯底自己加上，好味唔太甜，可惜芋圓有小小硬，其他配料都可以。假如大熱天時食依個火鍋，一定好爽！😆❤️阿元滷味攤因為當日當下午茶食，所以點既食物唔太多。百頁豆腐 豬耳甜不辣 (比較有咬口，私心中意食😆)豬大腸 (好入味，重滷水味，推介👍🏻）整體來講，滷水汁唔會太鹹，大多滷味都入到味，價錢都合理。最後提提，繁忙時間用餐只有45分鐘，可能驚排隊既客人等得太耐吧。