Video
Read full review
2022-05-16
1870 views
喺社交平台見到香港街市海鮮魚類研究社的朋友食得咁過癮，即晚去左試下肥強老闆嘅飛天麵！五點幾喺花園街街市地下海鮮檔行逛，準備買料上去加工。平時去開楊屋道街市買海鮮，相比之下旺角啲餸真係貴啲。買咗$100海蝦，準備比肥強製作飛天麵。六點前到達位於街市3樓嘅熟食中心，我們是第二枱客，六點左右陸陸續續有人拎位，準備同朋友聚聚，吹水食飯。點左椒鹽九肚魚拼鮮魷、椒絲腐乳通菜、Wasabi小排骨、酒煮雞雜腸，當然唔少得係飛天面。老闆娘介紹用好立克汁或腐乳汁，揀咗較特別嘅好立克汁試試。其他人仲等緊朋友，老闆肥強好快就為我哋煮嘢食。喺熟食中心有趣嘅地方係可以睇住廚師製作食物，有啲似請咗個大廚唧唧為你炮製美食嘅感覺第一道上嘅係椒鹽九肚魚拼鮮魷，嗰漿做得好靚，好鬆脆，熱辣辣勁好食。可惜份量就少咗啲，唔夠喉！跟住是椒絲腐乳通菜。熱辣辣上到嚟不在話下，炒菜有鑊氣唔係個個做到。個醬汁開好晒，唔會見到腐乳碎，啲菜好入味，又係正嘅！再黎係芥末小排骨。呢個我就覺得一般，Wasabi配排骨係夾嘅，但排骨炸得過火，有啲乾硬。主角準備出場！只見肥強開始用筷子翹面，忍唔住行去影低製作過程。翹好麵就要用滾油由上而下淋落去，高溫令
喺社交平台見到香港街市海鮮魚類研究社的朋友食得咁過癮，即晚去左試下肥強老闆嘅飛天麵！五點幾喺花園街街市地下海鮮檔行逛，準備買料上去加工。平時去開楊屋道街市買海鮮，相比之下旺角啲餸真係貴啲。
買咗$100海蝦，準備比肥強製作飛天麵。
六點前到達位於街市3樓嘅熟食中心，我們是第二枱客，六點左右陸陸續續有人拎位，準備同朋友聚聚，吹水食飯。
點左椒鹽九肚魚拼鮮魷、椒絲腐乳通菜、Wasabi小排骨、酒煮雞雜腸，當然唔少得係飛天面。老闆娘介紹用好立克汁或腐乳汁，揀咗較特別嘅好立克汁試試。
其他人仲等緊朋友，老闆肥強好快就為我哋煮嘢食。喺熟食中心有趣嘅地方係可以睇住廚師製作食物，有啲似請咗個大廚唧唧為你炮製美食嘅感覺
椒鹽九肚魚拼鮮魷
$98
47 views
0 likes
0 comments
第一道上嘅係椒鹽九肚魚拼鮮魷，嗰漿做得好靚，好鬆脆，熱辣辣勁好食。可惜份量就少咗啲，唔夠喉！
椒絲腐乳通菜
$60
39 views
0 likes
0 comments
跟住是椒絲腐乳通菜。熱辣辣上到嚟不在話下，炒菜有鑊氣唔係個個做到。個醬汁開好晒，唔會見到腐乳碎，啲菜好入味，又係正嘅！
芥末小排骨
$85
38 views
0 likes
0 comments
芥末小排骨
$85
59 views
0 likes
0 comments
再黎係芥末小排骨。呢個我就覺得一般，Wasabi配排骨係夾嘅，但排骨炸得過火，有啲乾硬。
主角準備出場！只見肥強開始用筷子翹面，忍唔住行去影低製作過程。翹好麵就要用滾油由上而下淋落去，高溫令麵迅速變硬，成形！
製作好飛天麵後，將剛炸好嘅蝦放埋入碟，淋上少許好立克汁。由肥強親自將飛天麵端上餐桌，再用由好似淋鐵板牛扒嘅黑椒汁的小壺，將剩餘嘅好立克汁淋上麵，一道超吸睛嘅好立克海蝦飛天麵大功告成。
好立克海蝦飛天麵
$180
213 views
1 likes
0 comments
黎到用啲時間打卡在所難免，因為賣相真係超大！至於味道方面，個人覺得好立克汁甜咗少少，味道亦唔夠濃，可能腐乳汁鹹鹹地會更夾。
好立克海蝦飛天麵
$180
98 views
1 likes
0 comments
酒煮雞雜腸
$85
47 views
0 likes
0 comments
總結，好少去熟食中心食小菜，呢間鑊氣十足，地理方便，環境夠地道。可惜嘅係感覺到人手唔夠，我哋早去就冇影響，但相信其他客要等好耐先有得食。老闆娘仲未做到冇停手，見係我哋先做飛天麵俾我哋。
諗住食完快啲走比張枱人，點知老闆娘話今晚做唔切，唔好再俾人坐。下次會再幫襯試下其他餸。
Post
