Video
Read full review
2022-05-29
25 views
由望到門口個刻已經感覺到依到非常適合放工之後到訪、放鬆一下。串燒配酒係定律，可惜到訪當晚仲有report要做，今次先免了( ´ᐞ` )，但依到嘅vibe對於串燒配酒黎講係完美，非常推介大家同朋友約埋一齊黎享受翻一晚由海風伴隨嘅居酒屋之夜♡。❝牛舌❞ ($58)肉質非常柔軟，有嚼勁但完全唔韌，咬落口異常地juicy，面頭嘅黑椒輕輕調味唔搶風頭，牛舌fans必然滿意。❝炸雞軟骨❞ ($48)食到依串嘅時候真係會好想嗌一杯酒⋯（忍住！）脆口但唔油膩、有咬口而又惹味，完全係完美嘅佐酒小食。𓃗❝明太子飯團❞ ($38)外層燒到焦香撲鼻，內裡米飯粒偏硬身而粒粒分明，混合明太子增添風味。而且比一般飯團大份，係飽肚之選。❝黑豚五花腩❞ ($48)油脂感極重！食五花腩就係要追求依種邪惡呀～同時豬肉味道亦夠突出、唔會成口只得油脂感，平衡度做得不錯。𓃗❝安格斯牛❞ ($68)肉質同牛舌一樣柔軟、無筋無渣，肉味本已夠濃郁，被燒過之後就更加香濃，做到鎖緊肉汁，又無過熟，恰到好處。❝燒鵝肝❞ ($108)如圖所見塊鵝肝係超～級厚身呀！！雖然睇價錢可能會有啲卻步，但完全係令人滿足感100分嘅一道菜。❝免治雞肉棒❞
❝牛舌❞ ($58)
肉質非常柔軟，有嚼勁但完全唔韌，咬落口異常地juicy，面頭嘅黑椒輕輕調味唔搶風頭，牛舌fans必然滿意。
❝炸雞軟骨❞ ($48)
食到依串嘅時候真係會好想嗌一杯酒⋯（忍住！）脆口但唔油膩、有咬口而又惹味，完全係完美嘅佐酒小食。
𓃗
❝明太子飯團❞ ($38)
外層燒到焦香撲鼻，內裡米飯粒偏硬身而粒粒分明，混合明太子增添風味。而且比一般飯團大份，係飽肚之選。
❝黑豚五花腩❞ ($48)
油脂感極重！食五花腩就係要追求依種邪惡呀～同時豬肉味道亦夠突出、唔會成口只得油脂感，平衡度做得不錯。
𓃗
❝安格斯牛❞ ($68)
肉質同牛舌一樣柔軟、無筋無渣，肉味本已夠濃郁，被燒過之後就更加香濃，做到鎖緊肉汁，又無過熟，恰到好處。
❝燒鵝肝❞ ($108)
如圖所見塊鵝肝係超～級厚身呀！！雖然睇價錢可能會有啲卻步，但完全係令人滿足感100分嘅一道菜。
❝免治雞肉棒❞ ($54)
月見雞肉棒係串燒店名物～雞肉味道無被帶甜味嘅醬汁掩過，加入雞軟骨增添口感層次，配個月見汁非常滋味呢。
❝甜蕃薯❞ ($28)
作為一個mini甜品非常合適，軟綿、甜度夠過嘅蕃薯輕輕一燒之後甜味更為突出，用佢為依餐作結吧～
𓃗
𓂃𓈒 𓂂𓏸 ENSŌ 𓏸𓂂 𓈒𓂃 @ensoyakitori
西環新海旁街25號地下5號舖
港鐵堅尼地城站B出口，步行約5分鐘抵達
每日12:00 - 21:30營業
𓃗
𓂃𓈒 𓂂𓏸 用餐提示 𓏸𓂂 𓈒𓂃
鋪面除咗有一般餐枱亦設有bar枱，整體風格modern而簡約，有別於一般串燒店，坐得相當舒服。店員待客有禮，非常加分～
❋ 可經Openrice訂座
𓃗
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃
餐點味道 | ♥︎♥︎♥︎♥︎♥︎♥︎♥︎♥︎♡♡
抵食指數 | ♥︎♥︎♥︎♥︎♥︎♥︎♥︎♡♡♡
店舖環境 | ♥︎♥︎♥︎♥︎♥︎♥︎♥︎♥︎♥︎♡
用餐體驗 | ♥︎♥︎♥︎♥︎♥︎♥︎♥︎♥︎♡♡
推薦程度 | ♥︎♥︎♥︎♥︎♥︎♥︎♥︎♥︎♡♡
適合場景 | 約會、二人 / 四人或以下聚餐
𓃗
更多同區美食 ☞ #17堅尼地城
更多同類美食 ☞ #17日本菜
𓃗
♥️ 追 蹤 @17feelgood 發 掘 更 多 高 質 感 食 事 / 日 常 / 旅 遊 提 案 ♥️
Post
