Video
Read full review
2008-07-09
51 views
昨日難得好友食家"乜都放入窿"又要過海, 於是再次相約師傅結伴午膳, 師傅當然求之不得啦! 而今次嘅行程係往灣仔方向, 坦白講閒時師傅好少行到咁遠, 但難得有好友食家"乜都放入窿"帶路, 師傅梗要跟實啦! 去到附近好友食家"乜都放入窿"提議左幾間食店, 間間師傅都未試過, 咁啱講到巴東牛肉, 呢個大鄉里師傅又未試過, 所以好友食家"乜都放入窿"就決定黎呢間食店, 等師傅可以一試! 坐底後, 當然睇下有咩好食啦, 師傅從來都未食過, 梗係等好友食家"乜都放入窿"發板啦! 最後好友食家"乜都放入窿"幫師傅柯打左一客巴東牛肉配烤薄餅, 加一杯拉咖啡; 而佢本人就要左一客午餐, 係咖喱雜菜配油鬆餅, 餐飲要左健怡可樂! 先講下個午餐先, 午餐原來有餐湯同甜品; 餐湯係青豆茸湯, 好友食家為免吃得太飽, 所以就比左師傅飲, 青豆湯將d青豆煲得好溶, 基本上係唔會見到有一粒粒嘅青豆, 而味道可口, 加上湯面上有個類似"巴"字嘅忌廉, 睇得出幾有心機整, 值得一讚; 咖喱雜菜嘅咖喱唔係太辣, 但係都幾好味, 唔錯; 而油鬆餅真係一絕, 燶燶地但食落口又好鬆軟, 一d都唔油唔膩, 第一次食呢個油鬆餅
去到附近好友食家"乜都放入窿"提議左幾間食店, 間間師傅都未試過, 咁啱講到巴東牛肉, 呢個大鄉里師傅又未試過, 所以好友食家"乜都放入窿"就決定黎呢間食店, 等師傅可以一試!
坐底後, 當然睇下有咩好食啦, 師傅從來都未食過, 梗係等好友食家"乜都放入窿"發板啦! 最後好友食家"乜都放入窿"幫師傅柯打左一客巴東牛肉配烤薄餅, 加一杯拉咖啡; 而佢本人就要左一客午餐, 係咖喱雜菜配油鬆餅, 餐飲要左健怡可樂!
先講下個午餐先, 午餐原來有餐湯同甜品; 餐湯係青豆茸湯, 好友食家為免吃得太飽, 所以就比左師傅飲, 青豆湯將d青豆煲得好溶, 基本上係唔會見到有一粒粒嘅青豆, 而味道可口, 加上湯面上有個類似"巴"字嘅忌廉, 睇得出幾有心機整, 值得一讚; 咖喱雜菜嘅咖喱唔係太辣, 但係都幾好味, 唔錯; 而油鬆餅真係一絕, 燶燶地但食落口又好鬆軟, 一d都唔油唔膩, 第一次食呢個油鬆餅, 師傅就已經愛上左喇, 好好味; 而甜品係一件芋頭紅豆糕, 師傅冇食到, 應該可以啦!
而巴東牛肉真係誇啦啦, 個汁係非常之好味, 夠香夠辣勁惹味, 啱晒師傅d咁鍾意食辣野嘅人, 配飯或薄餅一樣咁正; 至於牛肉嘅份量都非常多, 肉身都幾鬆, 仲有肉汁, 不過就好似瘦左少少, 食多幾件會開始覺得鞋, 如果能夠肥番少少相信會仲正, 但唔知係咪正中嘅巴東牛肉就係咁架呢? 烤薄餅一客有六塊, 烤薄餅比較硬身, 唔夠鬆軟, 不過都幾好味, 但如果同油鬆餅相比, 一定被比下去; 而杯拉咖啡都幾香幾滑, 不過就非常之甜, 最後發現原來係用煉奶, 唔怪得甜到好似杯糖水咁啦, 會唔會係煉奶份量重手左呢? 師傅就唔係咁欣賞喇!
總括黎講食物質素都令人滿足, 服務態度亦好, 係環境就逼少少, 加上都幾多人, 所以都幾嘈; 價錢算係可以接受, 作為一個午餐要賣六十蚊仲要加一, 絕對唔算平, 但係喺同區黎講有咁嘅質素同特色, 絕對收貨同抵食! 好友食家"乜都放入窿"又一次好介紹, 有機會師傅一定會再黎, 真係笑住黎走架, 你話笑臉點可以唔比呢?
後記: 話都冇咁快已經寫到第四百個食評, 最難得嘅就係今次可以同好友食家"乜都放入窿"一齊品嚐, 而師傅飯後亦忘記向您說聲"多謝", 藉此謝過; 師傅亦衷心期望寫第五百個食評時, 能與您再度品嚐另一間更好嘅食店!
Post
