Video
Read full review
2018-11-08
156 views
係呢個場開餐次數，數數手指都唔少，但依加先比我發現一樓原來新開左呢間泰國菜餐廳開放式坐位，燈光柔和，一路播住泰文歌，加多幾分泰式風情有散叫亦有套餐供應今晚選擇呢個抵食超值二人套餐 ($238)黎食泰菜，必然之選緊係冬蔭海鮮湯，原先以為會就咁"畢"2碗湯出黎就算，見到侍應放低火爐，之後再送上呢鍋海鮮湯，功架十足!鍾意飲熱湯，等佢再煲至有煙先飲，材料多到嚇左一跳，有青口，蝦，魷魚，蟹柳及菇類再"畢"低D，原來仲有隻大頭蝦，好大隻呀，肉質唔算好彈牙，但蝦頭部份仍然有多肉湯味道酸辣度岩岩好，連唔係好食得辣嘅友人都添飲，確係難得!送埋2杯飲品，有多種泰式飲品選擇，就算係咖啡/奶茶都係泰式，點了杯青檸梳打，選用環保飲管(暗地裏加分)，一解冬蔭海鮮湯嘅濃味!為慶祝餐廳新店開張，食滿$200可以加$1送客生蝦刺身一客4隻，擺盤吸引，絶不馬虎夾住辣椒及生蒜一齊食，口感爽口，蝦身夠凍，點埋生蝦醬汁，酸酸辣辣好惹人胃口呀!串燒拼盤 : 鷄中翼，鷄肉，豬肉，毛茄，圓茄，海鮮菇各一串每串都燒得香口，肉類分別點3款醬汁增添惹味; 首次食燒圓茄，外乾內軟，"泰"得意啦!原本選飛天炒通菜，要求少辣，侍應細心提議用馬拉
開放式坐位，燈光柔和，一路播住泰文歌，加多幾分泰式風情
有散叫亦有套餐供應
今晚選擇呢個抵食超值二人套餐 ($238)
黎食泰菜，必然之選緊係冬蔭海鮮湯，原先以為會就咁"畢"2碗湯出黎就算，見到侍應放低火爐，之後再送上呢鍋海鮮湯，功架十足!
冬蔭海鮮湯
18 views
0 likes
0 comments
鍾意飲熱湯，等佢再煲至有煙先飲，材料多到嚇左一跳，有青口，蝦，魷魚，蟹柳及菇類
再"畢"低D，原來仲有隻大頭蝦，好大隻呀，肉質唔算好彈牙，但蝦頭部份仍然有多肉
湯味道酸辣度岩岩好，連唔係好食得辣嘅友人都添飲，確係難得!
送埋2杯飲品，有多種泰式飲品選擇，就算係咖啡/奶茶都係泰式，點了杯青檸梳打，選用環保飲管(暗地裏加分)，一解冬蔭海鮮湯嘅濃味!
青檸梳打
8 views
0 likes
0 comments
為慶祝餐廳新店開張，食滿$200可以加$1送客生蝦刺身
一客4隻，擺盤吸引，絶不馬虎
生蝦刺身
17 views
0 likes
0 comments
夾住辣椒及生蒜一齊食，口感爽口，蝦身夠凍，點埋生蝦醬汁，酸酸辣辣好惹人胃口呀!
串燒拼盤 : 鷄中翼，鷄肉，豬肉，毛茄，圓茄，海鮮菇各一串
串燒拼盤
8 views
0 likes
0 comments
每串都燒得香口，肉類分別點3款醬汁增添惹味; 首次食燒圓茄，外乾內軟，"泰"得意啦!
原本選飛天炒通菜，要求少辣，侍應細心提議用馬拉盞炒，會無咁辣但一樣惹味! 又得姐，通菜食落無渣，好味!
馬拉盞炒通菜
8 views
0 likes
0 comments
主食要泰式海鮮乾炒河粉，又係大大碟，海鮮料基本上係冬蔭海鮮湯見過
泰式海鮮乾炒河粉
8 views
0 likes
0 comments
河粉加埋鷄蛋一齊炒，加多份蛋香味，神來之筆呀! 問埋侍應加埋辣椒油一齊食，唔太辣但好香，今次由鷄蛋河粉勝過海鮮料啦........哈..哈.......!
散叫紅咖喱牛腩 ($52)，咖喱味道偏甜，幾重椰奶味道; 牛腩煮得夠腍身，但切得比較細件，個人覺得大件番少少會比較有口感!
紅咖喱牛腩
16 views
0 likes
0 comments
既然有咁香咖喱汁，點可以浪費?! 於是就叫左呢客層層疊蒜蓉包 ($38)黎"索"汁
層層疊蒜蓉包
18 views
0 likes
0 comments
比起蒜蓉法包，呢個外脆內軟，包芯鬆軟更能索到多D醬汁，一條咁揸住食都好方便! 幾香蒜味，呢客無得輸呀!
13 views
0 likes
0 comments
10 views
0 likes
0 comments
原本想食埋甜品，但佢食物份量超對眼，肚皮頂唔住，唯有下次先食! 仲要食埋佢呢個推介 :
呢個"妹"食物價錢已經唔貴，仲要唔收加一，點可以唔黎多次呀?!
Post
