米走雞Live

Open Now

Now Closed

我平時食麵食到厭，就想附近搵啲唔同嘅料理嚟食。啱啱諗起男朋友介紹就喺附近，我就打算去食個晚餐再返屋企。我特別鍾意惹味沙爹湯，喺呢度就叫咗一份試吓。呢間舖嘅湯底比較濃郁，唔似得我之前食過嘅咁清淡，我個人好推薦，暫時係我心目中嘅第一名💯而且飲落好香甜，根本停唔到口！仲有滿滿一碗嚟自美國嘅桶蠔，份量好足，味道都好新鮮，口感幼嫩有彈性，成個味道同口感真係好豐富！我最鍾意就係呢碟小食，雲吞。雲吞入面嘅餡料好足，食落好香！而且涮落沙爹湯之後，帶出咗更加香甜嘅味道，同沙爹湯簡直係絕配！呢碟牛脷有咗青花椒做配料，味道即刻有咗好獨特嘅風味，好驚喜我！牛脷片鮮嫩彈牙，吸咗湯底，牛脷嘅味道更加濃郁，係我暫時食過最開胃嘅青花椒牛脷👍呢度嘅嘢食每一樣都驚喜到我！下次仲要嚟食更多美食！