翠灣漁港

Open Now

Now Closed

第一次嚟呢間翠灣漁港飲茶，上到嚟發現地方都幾大，枱與枱之間都幾闊落，坐得幾舒服，有風景嗰邊，個景觀都幾開揚，場內亦都有電視睇，亦都有好多生猛海鮮，柴魚花生粥(大點)，柴魚花生粥，除咗大碗之外，都幾足料，有好多柴魚同花生，而且味道亦都唔會過鹹，蜜汁叉燒皇(例牌)，叫咗味皇之選，一份例牌嘅蜜汁叉燒皇，一上枱已經聞到蜜燒嘅香味，例牌的份量不少，肥瘦均勻，調味亦都恰到好處，而且叉燒肉亦沒有過份染色，果然是皇牌產品，筍尖鮮蝦餃(頂點)，蝦餃皮薄餡靚，每一粒都脹卜卜，大大隻，有好多蝦喺裏面，餡料筍的口感亦非常爽脆，四寶雞扎(特點)，四寶雞扎好大隻，特別要讚嘅係雞肉非常大件和嫩滑，其餘三寶味道亦很不錯，翡翠帶子腸(特點)，翡翠帶子腸，的確每一段裏面也有帶子，味道也頗鮮甜，而腸粉皮亦很滑，總結：酒樓座位幾舒適，招呼亦殷勤有禮，點心質素有水準，特別要讚嘅係叉燒同蝦餃， 個人認為係必點必食。