B記車仔麵

Open Now

Now Closed

B記車仔麵，係天水圍的朋友間聽就聽過好多次，不過就真係未食過，今次係第一次來食。店舖位於新北江商場內, 對於"非天水圍人"來講, 新北江直情係一個活生生的迷宮, 如果唔係有人帶路,或者好熟地形, 絕對係唔會根據店舖number 而搵到目標店舖的,朋友講明係“佳寶”附近我都傻更更行錯路，一路係 759 / 大快活果邊係咁搵（印象中食野呢邊多），開始遲到唯有路在口邊，好彩賣毛巾阿姐肯耐心教路。今次食左：川椒腩肉蘿蔔魚皮餃油麵 + 凍檸茶走甜腩肉堅多堅好食，而且明顯比一般車仔麵店高幾班，湯底亦唔覺口渴中午時段都人山人海，一有人埋單好快又有人填返個吉位，人來人往就知道群眾都支持呢間絕對值得下次再試，唯一唔好就係座位比較迫夾，但新北江個場，大部份都係咁的，唯有接受。