B記車仔麵

Open Now

Now Closed

📍B記車仔麵 ⭐️街坊老字號車仔麵每區都總有一間車仔麵喺左近！車仔麵對我黎講就係一樣食極都唔厭嘅嘢😂同譚仔一樣每隔一排就會去食～間間車仔麵其實啲味都差唔多，你話佢有冇啲咩好特別嘅地方，又真係冇😂就係我鍾意食嘅個種標準車仔麵味！✨雞翼牛腩牛柏葉米粉 $39✨蘿蔔豬紅雞翼油麵 $39我諗每個人每次去車仔麵都有自己平時食開嗰幾款野～呢間可以讚嘅係佢蘿蔔入味，雞翼好食！牛柏葉同咖喱魷魚都好jeng！不過牛筋腩麻麻，川辣椒腩肉可以唔洗試⋯記得要辣！佢唔算辣但係好香，加咗好食好多！建議大家可以揀下午茶時段(2-6pm)先去，$39任揀三個餸一麵，仲包埋嘢飲！好抵，可以揀晒最貴嗰啲餸🤣

打電話去叫外賣 本身睇好左3個餸去嗌 話未夠錢可以送 咁係度諗要多個咩餸啦 嗌完咁cut線啦 未cut到 就聽到阿姐係度同佢d同事係度話個客點點點🤣🤣 下次阿姐唔該你check下電話係咪cut左先啦 以後唔想再嗌呢間野

係天水圍住左咁多年，成日都去食呢間B記車仔面，食左咁多年依然無變，雖然通漲加左價，但味道一樣咁好！呢到必食推廌既有腩肉、豬腸、沙嗲汁。腩肉有少少辣，但一定係最抵食既餸，叫親腩肉都睇住staff係咁夾係咁夾，正呀！豬腸洗得好乾淨，而且好軟身，好出豬腸味，唔係啲大大粒切到圓形又硬既豬腸。沙嗲汁少少辣，但味道好正！最無得彈係佢個湯底，豬骨湯，次次都飲晒啲湯底先走！

雖然由細食到大，叫咗咁多年外賣..但都係要講一講，服務越嚟越離譜，送漏嘢收多錢，送外賣啲人又無禮貌，離譜到硬幣都唔收..！忍咗咁多次真係忍唔落去..今次係最後一次幫襯，好自為之

放左工兩點鐘肚仔餓，作為一個麵控，我第一時間梗係諗起食碗熱辣辣車仔麵啦天水圍區車仔麵真心我一定揀B記，價錢親民，廚房靚女做野快靚正最重要係佢個秘製豬骨湯底真係好夠香濃由中學時代食到依家都無變過餸菜方面推薦佢個秘製腩肉、滷水蛋、牛柏葉鍾意食辣野既朋友仲可以系叫餸個陣叫碗沙嗲醬另上tim

呢間b記車仔面，由細食到大，水準都keep住咁好食。我每次黎都會叫粗面、豬腸、腩肉加腩汁。呢到個豬骨湯底係我食過咁多間車仔面之中最有誠意、最好食既，啲面索晒啲湯，食落啖啖都好好味，我差啲想連湯底都飲埋呀！其次就係個腩肉，黎到呢到一定要食，有少少辣，但非常女食，可以話係招牌呀！推廌！

呢次我哋試食嘅就係呢間自助取餐式嘅車仔麵店。呢間麵店經營左都非常之耐嘅，喺天水圍區內一間平民食店。用餐方式：提供堂食 或 外賣自取。輪候時間：平時約5-10分鐘；午市時段會比較繁忙，需要排隊。食品方面：車仔麵（ $45 ）：配料選擇左雞翼、牛腩、豬紅；而麵條方面，我揀咗幼麵。湯底我揀咗腩汁。呢間店舖嘅車仔麵係由客人自己選擇唔同嘅配料，麵條嘅種類，包括有河粉、生麵、粗麵、米粉同埋油麵等等。湯底都可以揀加咖喱或者係腩汁。質素算唔錯，會再食。價錢唔貴，人均消費：30-60蚊左右。總括而言，唔錯嘅平民食店，但係冇連餐飲，要自己另加$12先至有飲品。如果淨係食麵都係一個唔錯嘅選擇。

這個是我由細食到大既車仔麵每次食都一樣咁出色。無法挑剔。另外每次經過總係好多人食佢地既秘製辣汁係最好食另外湯底又係好好味。不過因為對我來說，我要求既係抵食又好食。所以我只會在平日既早上/下午茶時間先會幫襯。另外，佢地既川辣椒腩肉都好好食。出奇既辣，但肉質會有d‘鞋’同硬。如果唔中意就唔好試。雖然早上食但雞翼依然入味。不過，麵既份量5算正常，頗小。因為幾年前既份量的確多過現在。但如果飲埋佢湯底，都會飽的。

去到叫一個 三餸河粉 一個四餸河粉 另加一份淨河粉 估唔到 店員 同我講 唔得！唔可以！我哋有最低消費 ⋯⋯⋯？？？ 真係估你唔到！ 下次寫大字張貼門外..............

成日想食早餐，第一時間都會諗起車仔麵。😍 我諗我真係上咗癮。 除咗平，有早餐優惠之外，仲要好好味好大碗! 今次未瞓醒，錯誤哋叫左好多“雞“，又咗鹵水雞中翼又叫咗咖哩雞翼尖!😂 我覺得車仔面一定要食蘿蔔! 感覺上有啲蔬菜食下，蘿蔔又會吸汁，正啊! 今次叫咗蘿白，鹵水雞翼，咖哩雞翼尖，米粉，小辣。 佢個辣汁真係冇得頂，必定要加!蘿白幾清甜下又唔老，姐姐俾ge份量都幾多!😍 另一樣份量都有好多就係雞翼尖! 咖哩味重! 又夠辣! 正丫🤩總結：快靚正車仔麵，價錢平得嚟又好味! 我一定一定會再食!

平時放假都會早啲起身，趕係11點前去到新北江食車仔麵，因為每日11點前都有早餐優惠，三餸一麵連飲品只係34蚊起，比正價食抵好多！所以今日都唔例外，10點幾就去到😂先排隊點菜、付款，然後自己取餐、揾位。今日叫左個三餸米粉+凍檸茶因為第一餐，想清淡少少，所以叫左份生菜，撈埋加左辣汁嘅湯好惹味！牛栢葉相對無乜味，因為本身無餣過，只係普通白灼，加上佢索性速度無生菜咁快～不過好彩食落唔靭，都食得過！最後冬菇用蠔油煮過，本身巳經好夠味👍🏼👍🏼

諗起車仔麵就會心郁郁想黎e間B記。💗😍價錢平之餘，味道好好。尤其是加辣ge獨家辣汁。。😋😋 所以次次去食野都要“加辣!“*有早餐優惠till 11am, 仲有下午茶優惠，詳細我唔記得影。。🙊🙊 大約平5-6蚊左右*份量幾多下😍，而自選餸方面都幾足料。我叫左雞翼，蘿白，冬菇。除左要加辣汁之外，仲要推介咖哩雞翼! 夠辣夠“淋“，又好入味。👍👍 仲要幾多份量下。。🤤🙊 油麵唔會過“淋“。👍(如果覺得唔夠味，可自己加醬汁) 蘿蔔都好味，唔係浸糖水，較清甜，最緊要係蘿蔔唔老冇渣!😂 不過餐具/清潔度方面就真係麻麻地，記得帶紙巾去食!

中學時期同同學成日都食車仔麵，就算去朋友屋企玩都會叫呢間既外賣。以前就最中意叫腩肉蘿白生菜生根河粉加沙嗲汁，次次都咁叫，唔會食其他餸。咁耐無食，覺得無以前咁好食了，尤其是個沙嗲汁！而且食既時候既感覺都唔同左了，口味都變左了，唔會再好似以前咁叫。

早幾天和弟弟，弟婦吃晚飯，對於「揀飲擇食」的弟弟我們給了他三個用餐選擇，中餐，壽司及車仔麵，他最後選吃b記車仔麵，終於有點「新」意，不用再吃餃子，弟婦說弟弟都一成不變吃了超多次餃子，她想昏倒呢。我怕飽，故只點了淨餸，不點麵，感覺b記車仔麵的配餸比裝修前少了很多，是我的錯覺嗎? 我點了滷水雞翼，蘿蔔，豬皮與魚皮餃，滷水雞翼滷汁滷得透徹，雞肉軟嫩，豬皮爽彈，吸收咖哩汁盡顯惹味，蘿蔔鮮甜無渣滓，令人一口接一口吃過不停。

B記車仔麵，係天水圍的朋友間聽就聽過好多次，不過就真係未食過，今次係第一次來食。店舖位於新北江商場內, 對於"非天水圍人"來講, 新北江直情係一個活生生的迷宮, 如果唔係有人帶路,或者好熟地形, 絕對係唔會根據店舖number 而搵到目標店舖的,朋友講明係“佳寶”附近我都傻更更行錯路，一路係 759 / 大快活果邊係咁搵（印象中食野呢邊多），開始遲到唯有路在口邊，好彩賣毛巾阿姐肯耐心教路。今次食左：川椒腩肉蘿蔔魚皮餃油麵 + 凍檸茶走甜腩肉堅多堅好食，而且明顯比一般車仔麵店高幾班，湯底亦唔覺口渴中午時段都人山人海，一有人埋單好快又有人填返個吉位，人來人往就知道群眾都支持呢間絕對值得下次再試，唯一唔好就係座位比較迫夾，但新北江個場，大部份都係咁的，唯有接受。