安南 (又一城) (Closed)

今日中午同兩個同事出去食飯，在九龍塘又一城揀咗間越南餐廳”安南”，入邊啲裝修梗係事事正正啦，對住又一城既溜冰場，景觀幾好。👍🏻首先上菜既係頭盤小食，個沙律都幾清新，有柚子、有清新既薄荷味，隔離仲配搭左脆口蝦餅，蝦餅上係烤雞肉粒，旁邊仲有個粉卷，有蘿蔔餡，配搭都幾新奇，粉卷個醬令佢增添左唔少色。然後炭燒豬肉撈檬啲料都好多，甜酸汁係另上，比大家自己食之前再落既，係好有特色。同事叫咗個生熟牛肉河，佢話好嫩滑好正。另外一個同事就叫左炭燒雞扒絲苗，感覺唔錯，飯另上，佢話好香，食落都好飽。飲品方面可以點冷或熱既清檸冰茶、熱清檸蜜，不過我們都覺得略甜了，不過呢杯野就在大熱天係唔錯選擇。三個人食咗四百幾蚊，依個價錢係又一城黎講OK啦。