海老名沾麵

Open Now

Now Closed

今次因為要去深水埔買啲工具，留意左附近有冇拉麵店，咁啱係自己讀過既小學附近有一間，所以決定就去哩間去試下。上網睇過，該店係以沾麵以及湯底係以蝦湯為主，拉麵暫時得蠔拉麵一款，所以我今次都係試沾麵。店鋪門口好細，冇見到招牌，不過好有日本小店既風格好特別😄入店後，店員會為客人噴上消毒酒精，吧檯係木材制，比較窄，同之前見過既拉麵店有少少唔同既係加水方式好似係迴轉壽司枱咁有個水制加水，而出既水係室溫水，非常方便。吧檯上有拉麵用既調味料，而且比較特別，筷子桶會用個膠杯冚住，有提供紙巾，睇落好乾淨。我點左個海老醬油沾麵，麵係太麵，沾麵汁內有櫻花蝦，一只糖心蛋，洋蔥碎，竹筍，青蔥，另外我加左叉燒。除左有一大碗麵及沾麵汁之外，仲有一個籃仔裝住紫菜同天婦羅碎，我既食法係將天婦羅碎倒落沾麵汁，然後夾起一啖麵點落沾麵汁度食。雖然我點既係海老醬油，但沾麵汁除左有濃郁既蝦湯之外，仲有蕃茄湯味，反而醬油味冇咁出，糖心蛋流心好勁，加埋有洋蔥同青蔥既甜味既麵汁黎食口感好豐富😋😋另外加既叉燒係用五花腩制成，有約15-20厘米長，因為有用火槍燒過，食落有淡淡焦香既醬油味。太麵係直身既方型麵，食落好煙韌彈牙，冇鹼水味，加入左